Моңғул кишилик һоқуқ паалийәтчиси хада, түрмидә тән җазасиға учриған

Мухбиримиз җүмә
2014-12-10
Share

Радиойимизниң хәвәр қилишичә, 9-декабир қоюп берилгән моңғул кишилик һоқуқ паалийәтчиси хада түрмидә тән җазасиға учриған.

У 1996-йили "ишпийонлуқ" вә "бөлгүнчилик" җинайити билән әйиблинип 15 йиллиқ қамақ җазасиға буйрулған. Һалбуки, җаза муддити тошқан күни у йәнә ички моңғулниң шималидики бир тутуп туруш орниға 5 йил солап қоюлған.

Хитай ташқи ишлар министирлиқи баянчиси хоңкоң лей 9-декабир хадаға берилгән җаза муддитиниң тошқанлиқини елан қилди.

Хада радиомиз зиярити қобул қилип мундақ деди: нәччә йиллиқ қийнаш вә тән җазаси түпәйли, бәдиним һәрхил кесәлгә тошуп кәтти. Буларниң һәммиси адаләтсизликниң мәһсули.

У йәнә мундақ деди: мәндә һазир 10 хилдин артуқ кесәл барлиқи ениқланди. Буларниң һәммиси түрмидики қийнаш, тән җазаси вә начар йемәкликтин болди.

Хада хитайдики әң узун кесилгән сиясий мәһбусларниң бири. У ички моңғулға алий аптономийә тәләп қилип язған мақаллири түпәйли түрмигә ташлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт