Моңғул өктичи хада хитай һөкүмити үстидин әрз сунмақчи

Мухбиримиз ирадә
2014-12-25
Share

Тонулған моңғул өктичи хада хитай һөкүмити үситидин әрз қилидиғанлиқини билдүргән. Ройтерс агентлиқиниң хәвәр қилишичә, хада хитайниң өзини қанунсиз тутқун қилиши вә қейин-қистаққа елип мейип қилип қойғанлиқи үчүн һөкүмәт үстидин әрз сунидикән.

Мәлумки, хада хитайда сиясий җинайәт билән түрмидә әң узун ятқан өктичиләрниң бири һесаблиниду. У 1996-йили "бөлгүнчилик" вә "дөләт мәхпийәтликини чәтәлдики тәшкилатларға ашкарилаш" җинайити билән 15 йиллиқ муддәтлик қамақ җазасиға һөкүм қилинған. Бирақ, даириләр униң җаза муддити тошқанда, қоюп бәрмәй йәнә 4 йил узартип, уни җазалиған.

Хада техи мушу айниң бешида түрмидин қоюп берилгән. У түрмидә өзиниң нурғун қейин-қистақларға елинғанлиқи, шу сәвәблик җисманий вә әқлий сағламлиқиниң зәхимигә учриғанлиқини билдүргән иди. Хаданиң аяли ройтерс мухбириға телефонда қилған сөзидә, өзлириниң йәрлик сотқа әрз сунуп беқишни ойлишишида, 1996-йили бир аялни өлтүрүш җинайити билән хата һалда әйиблинип, өлүм җазаси иҗра қилинған моңғул өсмүрниң ақлиниш вәқәсиниң өзлиригә илһам болғанлиқини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт