Mongghul öktichi xada xitay hökümiti üstidin erz sunmaqchi

Muxbirimiz irade
2014-12-25
Share

Tonulghan mongghul öktichi xada xitay hökümiti üsitidin erz qilidighanliqini bildürgen. Roytérs agéntliqining xewer qilishiche, xada xitayning özini qanunsiz tutqun qilishi we qéyin-qistaqqa élip méyip qilip qoyghanliqi üchün hökümet üstidin erz sunidiken.

Melumki, xada xitayda siyasiy jinayet bilen türmide eng uzun yatqan öktichilerning biri hésablinidu. U 1996-yili "Bölgünchilik" we "Dölet mexpiyetlikini chet'eldiki teshkilatlargha ashkarilash" jinayiti bilen 15 yilliq muddetlik qamaq jazasigha höküm qilin'ghan. Biraq, da'iriler uning jaza mudditi toshqanda, qoyup bermey yene 4 yil uzartip, uni jazalighan.

Xada téxi mushu ayning béshida türmidin qoyup bérilgen. U türmide özining nurghun qéyin-qistaqlargha élin'ghanliqi, shu seweblik jismaniy we eqliy saghlamliqining zeximige uchrighanliqini bildürgen idi. Xadaning ayali roytérs muxbirigha téléfonda qilghan sözide, özlirining yerlik sotqa erz sunup béqishni oylishishida, 1996-yili bir ayalni öltürüsh jinayiti bilen xata halda eyiblinip, ölüm jazasi ijra qilin'ghan mongghul ösmürning aqlinish weqesining özlirige ilham bolghanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet