Моңғул өктичи һөкүмәт үстидин өзини қанунсиз нәзәрбәнд қилиш билән әйибләп әрз қилиду

Мухбиримиз әркин
2014.12.26

Бу йил 9‏-декабир түрмидин қоюп берилгән ички моңғуллуқ сиясий өктичи хада, хитай һөкүмәт даирилири үстидин өзини қанунсиз нәзәрбәнд қилиш билән әйибләп әрз қилидиғанлиқини билдүргән. Хада 1992‏-йили “җәнубий моңғулийә демократик иттипақи” намлиқ партийә қуруп, моңғулларға әркинлик тәләп қилған.

Бирақ хитай һөкүмити уни “бөлгүнчилик” билән әйибләп 15 йиллиқ қамаққа һөкүм қилған иди. У 2010‏-йили қоюп берилиши керәк болсиму, бирақ даириләр уни 4 йил артуқ нәзәрбәнд астида тутуп турған. Хада вә униң аяли шинна пәйшәнбә күни ройтерс агентлиқиға қилған сөзидә әрз қилиш сәвәблирини чүшәндүрүп, 4 йил қанунсиз нәзәрбәнд қилинғандин сирт, оғлиға қанунсиз зәһәрлик чекимлик сақлиған, дәп зиянкәшлик қилинғанлиқи үстидинму әрз қилидиғанлиқини билдүргән.

Бирақ көзәткүчиләрниң көрситишичә, хитайда әдлийини компартийә контрол билиду. Бу әһвалда сот әрзни қобул қилмаслиқи мумкин. Бирақ шиннаниң билдүрүшичә, йеқинда көкхот шәһәрлик оттура сотниң 18 яшлиқ моңғул бала хогҗиктуниң делосини ағдуруп, уни гунаһсиз, дәп елан қилиши уни илһамландурған.

Көкхот шәһәрлик оттура сот 1996-йили 18 яшлиқ хокҗиктуни “басқунчилиқ”, “қатиллиқ” билән әйиблинип өлүмгә буйруп, иҗра қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.