Mongghul öktichi hökümet üstidin özini qanunsiz nezerbend qilish bilen eyiblep erz qilidu

Muxbirimiz erkin
2014-12-26
Share

Bu yil 9‏-dékabir türmidin qoyup bérilgen ichki mongghulluq siyasiy öktichi xada, xitay hökümet da'iriliri üstidin özini qanunsiz nezerbend qilish bilen eyiblep erz qilidighanliqini bildürgen. Xada 1992‏-yili "Jenubiy mongghuliye démokratik ittipaqi" namliq partiye qurup, mongghullargha erkinlik telep qilghan.

Biraq xitay hökümiti uni "Bölgünchilik" bilen eyiblep 15 yilliq qamaqqa höküm qilghan idi. U 2010‏-yili qoyup bérilishi kérek bolsimu, biraq da'iriler uni 4 yil artuq nezerbend astida tutup turghan. Xada we uning ayali shinna peyshenbe küni roytérs agéntliqigha qilghan sözide erz qilish seweblirini chüshendürüp, 4 yil qanunsiz nezerbend qilin'ghandin sirt, oghligha qanunsiz zeherlik chékimlik saqlighan, dep ziyankeshlik qilin'ghanliqi üstidinmu erz qilidighanliqini bildürgen.

Biraq közetküchilerning körsitishiche, xitayda edliyini kompartiye kontrol bilidu. Bu ehwalda sot erzni qobul qilmasliqi mumkin. Biraq shinnaning bildürüshiche, yéqinda kökxot sheherlik ottura sotning 18 yashliq mongghul bala xogjiktuning délosini aghdurup, uni gunahsiz, dep élan qilishi uni ilhamlandurghan.

Kökxot sheherlik ottura sot 1996-yili 18 yashliq xokjiktuni "Basqunchiliq", "Qatilliq" bilen eyiblinip ölümge buyrup, ijra qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet