Канада вә франсйидики хитай әлчиханиси уйғур елидин кәлгән оқуғучиларға оқуш ярдәм пули тарқатқан

Мухбиримиз ирадә
2013-12-05
Share


Уйғур биз ториниң хәвәр қилишичә, йеқинда уйғур аптоном районлуқ парткомниң даимий әзаси әркин турахун уйғур аптоном районлуқ маарип саһәсидин тәшкилләнгән бир өмәкни башлап, канада вә франсийигә берип у йәрдики уйғур елидин келип, өз хираҗити билән оқуватқан оқуғучиларға оқуш мукапат пули тарқатқан.

Хәвәрдин қариғанда, уйғур районлуқ һөкүмәт 11 - айниң 24 - күни канададики хитай әлчиханисида мәхсус мурасим өткүзүп, уйғур елидин кәлгән оқуғучи балиларға мукапат тарқатқан. Бу йил 7 оқуғучи мукапат тапшуруп алған. Уларниң 6 нәпири уйғур, бир нәпири моңғул. Арқидинла әркин турахун йәнә, франсийигә йетип келип, франсийидики хитай әлчиханисида охшаш мурасим билән мукапат тарқатқан.

Уйғур ели һөкүмити 2009 - йили үрүмчи вәқәсидин кейин чәтәлләрдә өз хираҗити билән оқуватқан оқуғучиларға қаритилған башқуруш вә тәқибни күчәйткән һәмдә илгири - ахири болуп түркийә, мисир, сәуди әрәбистан, японийә қатарлиқ дөләтләрдә оқуватқан уйғур оқуғучиларни хитай һөкүмитиниң оқуш мукапати билән тәминләш, уларни әлчихана билән қоюқ алақә орнитишқа дәвәт қилиш вә шундақла вәтәнпәрвәр оқуғучи болушқа охшаш тәшвиқат хизмәтлирини күчәйткән иди. Хитай һөкүмитиниң бу паалийәтлири илгириму бу дөләтләр арисидики уйғурларда охшимайдиған көз қарашларни шәкилләндүргән.

Көзәткүчиләр әркин турахун башчилиқидики һәйәтниң канада вә франсийидики бу нөвәтлик паалийтиниму хитай һөкүмитиниң чәтәлләрдики уйғурлар арисиға бөлгүнчилик селиш һәрикитиниң давами, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт