Kanada we fransyidiki xitay elchixanisi Uyghur élidin kelgen oqughuchilargha oqush yardem puli tarqatqan

Muxbirimiz irade
2013-12-05
Élxet
Pikir
Share
Print


Uyghur biz torining xewer qilishiche, yéqinda Uyghur aptonom rayonluq partkomning da'imiy ezasi erkin turaxun Uyghur aptonom rayonluq ma'arip sahesidin teshkillen'gen bir ömekni bashlap, kanada we fransiyige bérip u yerdiki Uyghur élidin kélip, öz xirajiti bilen oquwatqan oqughuchilargha oqush mukapat puli tarqatqan.

Xewerdin qarighanda, Uyghur rayonluq hökümet 11 - ayning 24 - küni kanadadiki xitay elchixanisida mexsus murasim ötküzüp, Uyghur élidin kelgen oqughuchi balilargha mukapat tarqatqan. Bu yil 7 oqughuchi mukapat tapshurup alghan. Ularning 6 nepiri Uyghur, bir nepiri mongghul. Arqidinla erkin turaxun yene, fransiyige yétip kélip, fransiyidiki xitay elchixanisida oxshash murasim bilen mukapat tarqatqan.

Uyghur éli hökümiti 2009 - yili ürümchi weqesidin kéyin chet'ellerde öz xirajiti bilen oquwatqan oqughuchilargha qaritilghan bashqurush we teqibni kücheytken hemde ilgiri - axiri bolup türkiye, misir, se'udi erebistan, yaponiye qatarliq döletlerde oquwatqan Uyghur oqughuchilarni xitay hökümitining oqush mukapati bilen teminlesh, ularni elchixana bilen qoyuq alaqe ornitishqa dewet qilish we shundaqla wetenperwer oqughuchi bolushqa oxshash teshwiqat xizmetlirini kücheytken idi. Xitay hökümitining bu pa'aliyetliri ilgirimu bu döletler arisidiki Uyghurlarda oxshimaydighan köz qarashlarni shekillendürgen.

Közetküchiler erkin turaxun bashchiliqidiki hey'etning kanada we fransiyidiki bu nöwetlik pa'aliytinimu xitay hökümitining chet'ellerdiki Uyghurlar arisigha bölgünchilik sélish herikitining dawami, dep qarimaqta.

Toluq bet