Béyjing qishliq olimpik musabiqisini bayqut qilish chuqanliri yuquri pellige chiqmaqta

Muxbirimiz eziz
2021.03.04

Xitay hökümiti sahibxanliq qilmaqchi boluwatqan 2022-yilidiki qishliq olimpik musabiqisini bayqut qilish chaqiriqliri yéqindin buyan barghanséri yuquri pellige chiqishqa bashlidi. Shuningdek buning addiyla bir musabiqe emesliki, eksiche buning milyonlarche insanning hayatigha munasiwetlik zor mesile ikenliki tekitlinishke bashlidi.

“Dölet menpe'eti” zhurnilining 3-mart sanigha bésilghan ténzin dorji imzasidiki maqalida alahide qilip Uyghurlar duch kéliwatqan siyasiy basturush hadisisini “Irqiy qirghinchiliq” dep atash chaqiriqliri dunya miqyasida omumiy sadagha aylinishqa yüzliniwatqanliqi, mushundaq ehwalda diplomatik nesihetler aldida gas boluwalghan xitay hökümitige qarita dawamliq nesihet qilishning waqti ötkenliki, buning üchün emdi ulargha mejburlash wastisini qollinish lazimliqi alahide tekitlendi. Shuningdek bu xil mejburlashning usulliri üchün xitaygha iqtisadiy jehettin jaza qollinishtin bashqa yene ularning dunyagha qaritip turup olimpik musabiqisi ötküzüshtek nomussizliqini cheklesh lazimliqi otturigha qoyuldi. Aptor bu toghrisida söz qilip: “Nöwette amérika hökümiti xitaygha qarita ‛ya lagérlarni taqaysen, bolmisa musabiqini bikar qilimiz‚ dégendek qattiq usulni qollinidighan yerge keldi,” deydu.

“Kanada radiyo shirkiti” torida élan qilin'ghan bu heqtiki obzorda bolsa xitaydiki qishliq olimpik musabiqisigha qatnashqanliqning emeliyette xitayning dépigha ussul oynighanliqqa barawer ikenliki alahide sherhilendi. Bolupmu Uyghur qirghinchiliqi mesilisi jiddiy tekitliniwatqanda xitay re'isi shi jinpingning mushu qétimliq musabiqe arqiliq xelq'aragha özining ijabiy obrazini namayen qilishqa aldirawatqanliqi alahide körsitildi. Kanadadiki Uyghur pa'aliyetchi memet toxti bu heqte söz qilip: “Xitay mushu musabqini ‛sopun‚ qilip turup özlirining qirghinchiliq jinayetlirini ‛yuyuwetmekchi‚ boluwatidu,” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.