Соний виллямс: "уйғурларни қириватқан хитайниң олимпик өткүзүш салаһийити йоқ!"

Мухбиримиз әзиз
2021-03-16
Share

Хитай һөкүмитиниң уйғурларни милйонлап лагерларға қамишидин башланған зор тутқун вә сиясий бастуруш һәркитиниң типик қирғинчилиқ икәнлики һәққидики учурлар кәң тарқалғандин кейин, һәр саһәниң қоллап-қуввәтлишигә еришмәктә. Австралийә дөләтлик зәйтун топ командисиниң сабиқ топчиси, йеңи зелландийәлик тәнһәркәтчи соний бил виллиямс йеқинда хитай һөкүмитиниң уйғурларни қирғин қиливатқанлиқини кәскин тәнқидләп, бейҗиңда өткүзүлмәкчи болған 2022-йиллиқ қишлиқ олимпик мусабиқисини байқут қилиш чақириқини оттуриға қойған.

Әнглийәдики "күндилик почта" гезитиниң 14-марттики хәвиридә ейтилишичә, сони виллямс илгири икки қетим дуня чемпйони болған команда әзаси сүпитидә чемпйонлуқ медали алған болуп, йеқиндә еғир дәриҗиликләр бойичә кәспий бокисчилиққа қизиқип қелип зәйтун топ саһәсидин чекингән. У һазирғичә җәмий йәттә мәйдан мусабиқигә чүшкән болуп, техи йеңилип бақмиған икән. Хәвәрдә ейтилишичә, у өткән һәптә "йеңи ленийә ақиллар мәркизи" елан қилған уйғур қирғинчилиқи һәққидики мәхсус доклатни көргәндин кейин бәкму ғәзәпләнгән. Буниң билән у тәнтәрбийә саһәсидикиләрни 2022-йиллиқ бейҗиң қишлиқ олимпик мусабиқисини байқут қилишқа дәвәт қилған. У йәнә 21-әсирдә ерқий қирғинчилиқниң йеңиваштин оттуриға чиқишини тосушта һәммә инсанниң бир кишилик мәҗбурийити барлиқини тәкитлигән. У бу һәқтә мухбирларға баянат елан қилип: "уйғурларниң қирғин қилиниши, йәһудийларниң әйни вақитта лагерларда қирғин қилинишиниң әйни йосундики тәкрарлиниши болуватиду. Шундақ болғаникән, мусабиқини байқут қилиш пәқәт ишниң башлиниши халас," дегән.

Мәлум болушичә, бу йил 35 яшқа киргән соний виллямс 2008-йили ислам динини қобул қилип мусулман болған икән. У һазирғичә изчил һалда дуняниң һәрқайси җайлирида йүз бериватқан зулумлар һәққидә көп қетимлап актип паалийәтләрдә болған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт