Америка кеңәш палата әзаси тод йоң бейҗиң қишлиқ олимпикини байқут қилишни қоллайдиғанлиқини билдүргән

Мухбиримиз әркин
2021-04-30
Share

Америка кеңәш палатасиниң җумһурийәтчиләр партийәсидин болған кеңәш палата әзаси тод йоң хитайниң уйғурларниң кишилик һоқуқини дәпсәндә қилғанлиқи сәвәблик 2022-йилидики бейҗиң қишлиқ олимпикини "дипломатик байқут" қилишни қоллайдиғанлиқини билдүргән.

Тод йоңниң ейтишичә, хитайдики уйғурларни өз ичигә алған кишилик һоқуқ дәпсәндичилики униңға охшаш һөкүмәт әмәлдарлириниң бейҗиң олимпик мусабиқисиға қатнашмаслиқини тәләп қилидикән. Тод йоң бу сөзләрни 29-април "вашингтон почтиси" гезитигә қилған.

"вашингтон почтиси" гезитиниң билдүрүшичә, тод йоң "бу бизниң уйғур мусулманлирини мәҗбурий әмгәккә салидиған қуллуқ шараитини қәт‍ий қобул қилмайдиғанлиқимиз, йиргинидиғанлиқимиз вә әйибләйдиғанлиқимизниң сигнали. Биз улар ‍иштирак қиливатқан ‍өлтүрүш вә мәҗбурий бала чүшүришни әйипләймиз," дигән.

Тод йоң бу сөзларни ғәрб әллиридә хитайниң уйғурларға "ирқий қирғинчилиқ" йүргүзүши сәвәблик бейҗиң қишлиқ олимпик мусабиқисини байқут-қилмаслиқ муназирә қозғалған, бирақ америка һөкүмити өзиниң бу җәһәттә техи ахирқи бир қарарға кәлмигәнликини елан қилған мәзгилдә қилған.

Нөвәттә кишилик һоқуқ тәшкилатлири бейҗиң қишлиқ олимпик мусабиқисида һөддигәрликни үстигә алған хәлқара ширкәтләргә һөддиәгәрликтин чекиниш тоғрисида қаттиқ бесим ишләтмәктә. Бирақ хитай һөкүмити ‍әгәр америка бейҗиң қишлиқ олимпик мусабиқисини байқут қилса, униңға қаттиқ инкас қайтуридиғанлиқи һәққидә тәһдит селип кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт