Хәлқара кәчүрүм тәшкилати: хитай дуняда өлүм җазаси әң көп дөләт

Мухбиримиз әркин
2015-04-01
Share

Хәлқара кәчүрүм тәшкилати доклат елан қилип, һәр қайси дөләтләрниң 2014‏-йилдики мәһбусларға өлүм җазаси бериш әһвалини елан қилди. Бирақ доклатта көрситишичә, хитай өлүм җазасини дөләт мәхпийәтлики, дәп йошурғачқа, униң өткән йили қанчә адәмгә өлүм җазаси бәргәнликини ениқлашқа мумкин болмиған.

Мәркизи америкидики кишилик һоқуқ органи-диалог фонди җәмийитиниң қәйт қилишичә, 2014‏-йили хитайда тәхминән 2400 дәк адәм өлүмгә буйрулуп иҗра қилинған. Хәлқара кәчүрүм тәшкилати, әгәр бу сан тоғра болса, 2014‏-йили хитайда өлүм җазаси иҗра қилинған адәм сани, шу йили дуняда өлүм җазаси иҗра қилинған адәмләрниң топлам санидин ешип кетидиғанлиқини билдүрди.

Мәзкур органниң илгири сүрүшичә, хитай билән шималий корейәни қошмиғанда 2014‏-йили дунядики 55 дөләттә 2466 адәм өлүмгә буйрулған. Униң ичидики 607 кишиниң өлүм җазаси иҗра қилинған. Хәлқара кәчүрүм тәшкилатиниң қәйт қилишичә, йеқинқи бир қанчә йилдин бери хитайда өлүм җазаси азайған болсиму, бирақ у йәнила дунядики өлүм җазаси әң көп дөләткән.

Д у қ баянатчиси дилшат ришит, хитай һөкүмити шәрқий түркистанда "террорлуқ"қа қарши туруш намидики бастурушни күчәйткәчкә, уйғурларниң хитайда өлүм җазаси берилгән мәһбуслар қошунидики салмиқи артқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт