Xelq'ara kechürüm teshkilati: xitay dunyada ölüm jazasi eng köp dölet

Muxbirimiz erkin
2015-04-01
Élxet
Pikir
Share
Print

Xelq'ara kechürüm teshkilati doklat élan qilip, her qaysi döletlerning 2014‏-yildiki mehbuslargha ölüm jazasi bérish ehwalini élan qildi. Biraq doklatta körsitishiche, xitay ölüm jazasini dölet mexpiyetliki, dep yoshurghachqa, uning ötken yili qanche ademge ölüm jazasi bergenlikini éniqlashqa mumkin bolmighan.

Merkizi amérikidiki kishilik hoquq organi-di'alog fondi jem'iyitining qeyt qilishiche, 2014‏-yili xitayda texminen 2400 dek adem ölümge buyrulup ijra qilin'ghan. Xelq'ara kechürüm teshkilati, eger bu san toghra bolsa, 2014‏-yili xitayda ölüm jazasi ijra qilin'ghan adem sani, shu yili dunyada ölüm jazasi ijra qilin'ghan ademlerning toplam sanidin éship kétidighanliqini bildürdi.

Mezkur organning ilgiri sürüshiche, xitay bilen shimaliy koréyeni qoshmighanda 2014‏-yili dunyadiki 55 dölette 2466 adem ölümge buyrulghan. Uning ichidiki 607 kishining ölüm jazasi ijra qilin'ghan. Xelq'ara kechürüm teshkilatining qeyt qilishiche, yéqinqi bir qanche yildin béri xitayda ölüm jazasi azayghan bolsimu, biraq u yenila dunyadiki ölüm jazasi eng köp döletken.

D u q bayanatchisi dilshat rishit, xitay hökümiti sherqiy türkistanda "Térrorluq"qa qarshi turush namidiki basturushni kücheytkechke, Uyghurlarning xitayda ölüm jazasi bérilgen mehbuslar qoshunidiki salmiqi artqan.

Toluq bet