Тонулған обзорчи с җ верлемән лагерлардики уйғурларниң орган тиҗаритигә қурбан қилиниватқанлиқини билдүрди

Мухбиримиз ирадә
2020-01-22
Share

Америкадики тонулған обзорчи вә тәтқиқатчи с җ верлемән лагерларға соланған уйғурларниң "һалал орган" тиҗаритигә қурбан қилиниватқанлиқини билдүрди.

С җ верлемән "медиюм" намлиқ тор бәттә елан қилған мақалисидә, хәлқара җамаәт уйғурларниң мәсилисидә йетәрлик дәриҗидә инкас қайтурмайватқан бир әһвал астида йәнә, уйғур лагер тутқунлириниң бәдән ички әзалирини елиш үчүн өлтүрүлүватқанлиқи һәққидә ишәнчлик мәлуматлар барлиқини баян қилған.

У бу һәқтә хитай тилидики бир телевизийә қанилида өзини "әйли" дәп тонуштурған бир хитай аялниң бу һәқтә гуваһлиқ бәргән видийосини мисал қилип көрсәткән. Униңда ейтилишичә, бу хитай аял шаңхәйдики мәзгилдә 37 нәпәр сәудилиқ әрәб бимарға уйғур районидин кәлтүрүлгән орган, йәни адәм ички әзаси көчүрүлгәнликигә шаһит болғанлиқини ейтип бәргән. С җ верилмән йәнә, һазир әрәб дөләтлиридики тор бәтләрдә хитайда "һалал орган" йөткәш һәққидики еланларниң наһайити асан көзгә челиқидиғанлиқиниму тәкитләп өткән.

С җ верлмән йәнә, уйғур паалийәтчиләрдин әнвәр тохти, әркин сидиқлар билән өткүзгән сөһбәтлиридиму уйғурларниң орган әткәсчиликигә қурбан қилиниватқанлиқи һәққидә ишәнчлик мәлуматларға еришкәнликини, әнгилийәдики бир мустәқил орган тәрипидин елан қилинған бу һәқтики доклаттиму "хитай һөкүмитиниң һәр йили аз дегәндә 69 миңдин ошуқ адәм ички әзаси йөткәйдиғанлиқи вә буниң уйғурлар вә фалунгуң муритлиридин елинидиғанлиқи" һәққидә доклати барлиқини баян қилған. У мақалисидә, мушуниңға охшаш барлиқ деталларни бирләштүргәндә уйғур лагер тутқунлириниң орган тиҗарити үчүн өлтүрүлүватқанлиқи еһтималлиқиниң интайин юқирилиқини әскәртип "хәлқара җәмийәтниң йәһудий қирғинчилиқидин кейинки бу зор қирғинчилиқни тохтитиши үчүн йәнә қандақ пакитқа еһтияҗи бар" дәп сориған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт