Enwer toxti teywende xitayning adem organlirini yötkesh qilmishi heqqide doklat berdi

Muxbirimiz shöhret hoshur
2017.10.25

En'gliyede yashawatqan Uyghur pa'aliyetchi, doxtur enwer toxti ependi tünügün teywende xitayning adem organlirini yötkesh qilmishi heqqide doklat berdi we axbarat ziyaritini qobul qildi.

Ilgiri Uyghur rayonida sehiye saheside ishligen we birqanche yildin béri xitayning adem ichki ezalirini yötkesh qilmishi heqqide mexsus izdinish we tekshürüsh élip bériwatqan enwer toxti ependi, bu qétim teywende bergen doklatida, xitayning nöwette Uyghur rayonida keng kölemde élip bériwatqan salametlik tekshürüshining adem ichki ezalirini yötkesh meqsiti bilenmu munasiwetlik ikenlikini ilgiri sürdi.

Enwer toxti ilgiriki pa'aliyetliride ölüm jazasigha buyrulghan Uyghur mehbuslarning ichki ezalirining yötkelgenliki we sétilghanliqini pakitliri bilen otturigha qoyghan idi. U bu qétimqi doklatida Uyghur ghayiblar we tutqunlarningmu xitayning nöwette tijaretke aylan'ghan ichki eza yötkesh qilmishida qurban qiliniwatqanliqini ilgiri sürdi.

Enwer toxti DNA siniqida qan élishqa hajet yoqluqini, emma xitayning bu ishta qan éliwatqanliqini bayan qilghan we buni ichki eza yütkesh meqsitige qarita bir éhtimal we pakit qilip körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.