Sha'ir osmanjan sawut wapat boldi

Muxbirimiz ümidwar
2013-10-20
Élxet
Pikir
Share
Print

Uyghur hazirqi zaman shé'iriyitidiki meshhur wekillerning biri osmanjan sawut 18 - öktebir küni ürümchide wapat boldi. Tuyuqsiz qozghalghan késeldin wapat bolghan osmanjan sawut bu yil 68 yashqa kirgen idi.

Osmanjan sawutning wapati Uyghur élining ichi - sirttiki edebiyat muxlislirining qayghusini qozghighan bolup, ular uning edebiy ijadiyiti we angliq hayatigha yuqiri baha berdi.

Chet'ellerde yashaydighan bir qisim Uyghur ziyaliyliri osmanjan sawutning wapatigha bolghan teziyisini bildürüsh bilen uning Uyghur edebiyatidiki ornigha yuqiri baha berdi.

Osmanjan sawut 1960 - 1990 - yillar arisida özining bir qatar lirik shé'irliri bilen yashlarning hörmitige érishken idi.

Osmanjan sawut 1945 - yili manas nahiyiside tughulghan. 1966 - Yili shinjang uniwérsitétida, 1982 - yili lu shün edebiyat institutida oqughan. U, 1961 - yilidin étibaren shé'ir ijadiyet bilen shughullinip, "Almidek yürekte alemche söygü" qatarliq 6 shé'irlar toplimi neshir qildurghan. Uning shé'irliri Uyghur oqurmenlirining yaxshi körüshige érishken idi.

Osmanjan sawut talantliq sha'ir bolupla qalmastin belki yene talantliq edebiy terjiman idi. U chet'ellerning nobél edebiyat mukapatigha érishken roman we powéstlirini Uyghur tiligha terjime qilghan.

Uning sidiq haji rozi ependi bilen birlikte terjime qilghan ilmiy ammibab terjime esiri "Reqibler we ittipaqdashlar" Uyghur kitabxanlirining 1940 - yillar tarixini chüshinishide zor rol oynighan idi.

Osmanjan sawutning wapatidin qayghurghan Uyghur milliy herikiti rehbiri rabiye qadir osmanjan sawutning Uyghur milliti we medeniyitini söygen we uninggha eqide baghlighan ziyaliy ikenlikini, uning yéqinqi yillardin buyan siyasiy bésimlargha duch kélip, rohi azaplargha duchar bolghanliqini tekitlidi.

Toluq bet