Xitayning ottawadiki elchixanisi Uyghur pa'aliyetchini haqaretligen, xitay oqughuchining qilmishini “Wetenperwerlik” dégen

Muxbirimiz erkin
2019.02.20
Share on WhatsApp
Share on WhatsApp

Xitayning ottawada turushluq elchixanisi kanadaning mekmastér uniwérsitétida ötküzülgen yighinida Uyghur pa'aliyetchi ruqiye turdushni haqaretligen xitay oqughuchining qilmishini “Wetenperwerlik” dep maxtighan.

11‏-Féwral küni mekmastér uniwérsitétidiki musulman oqughuchilar uyushmisi kanadadiki Uyghur pa'aliyetchi ruqiye turdushni Uyghurlarning kishilik hoquq weziyiti we lagérlar heqqide doklat bérishke teklip qilghan. Yighinda bir xitay oqughuchi kashila chiqirip, ruqiye turdushni haqaretligen. Bu weqe xelq'ara taratqularda ghulghula qozghap, bu oqughuchining arqisida torontodiki xitay konsulxanisining barliqi ilgiri sürgen. Bu oqughuchining qilmishi yene “Kanada xitay oqughuchilar we ilmiy xadimlar jem'iyiti” namliq organning qollishigha érishken.

“Jenubiy xitay etigenlik pochtisi” gézitining xewer qilishiche, xitayning ottawadiki elchixanisi yéqinda bayanat élan qilip, bu oqughuchining herikitini qollaydighanliqini bildürgen. Bayanatta “Biz junggo oqughuchilirining bu heqqaniy we wetenperwerlik herikitini qollaymiz. Igilik hoquqqa kapaletlik qilip, bölgünchilikke qarshi turush xelq'ara jama'etning ortaq meydani. Shuningdek bu kanada hökümitiningmu meydani” dégen.

Xitay elchixanisi bu xitay oqughuchining herikitini qollighan bolsimu, lékin bu weqening arqisida xitay diplomatik organlirining barliqini ret qilghan. Bayanatta “Toronto we mekmastér uniwérsitétlirida yüz bergen weqeler bilen kanadadiki xitay elchixanisi we konsulxanilirining héchqandaq alaqisi yoqluqi” ni ilgiri sürgen. Mezkur weqe Uyghur teshkilatlirining diqqitini qozghighan. D u q 18‏-féwral bayanat élan qilip, kanada hökümitini Uyghur pa'aliyetchilirining pikir erkinliki we bixeterlikini qoghdashqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.