Ottura asiyadiki Uyghurlarning Uyghur medeniyiti we tarixigha a'it tor betchiliki janlanmaqta

Muxbirimiz ümidwar
2016-11-20
Share

Ottura asiya jumhuriyetliride yashaydighan Uyghur yashliri yéqinqi waqitlardin buyan ijtima'iy alaqe wasitilirigha, bolupmu tor sehipiliri qurulushigha alahide ehmiyet bermekte.

Qazaqistanni merkez qilghan Uyghurlarning biwasite bashqurushida yéqinqi waqitlarda "Uyghur today", "Doppa lafi", "Perwaz" qatarliq uniwérsalliqqa ige we yene bir qisim ayrim blog hem tor betliri meydan'gha kélip, mezmun da'irisini mollashturmaqta.

""Perwaz" tori mexsus sen'etke béghishlan'ghan bolup, bu torda ottura asiya jumhuriyetliridiki dangliq naxsha cholpanliri, muzikantliri we Uyghur diyaridiki bir qisim sen'etkatlar üchün mexsus sehipiler ajritilghan.

"Uyghur today" tori, xewerlerdin bashqa yene Uyghur medeniyiti we tarixigha a'it eng mol mezmunlar bilen bézelgen bolup, köp sandiki ilmiy maqalilargha orun bérilgen.

"Doppa layfi" yéqinda bashlan'ghan tor bolup, asasliqi Uyghur medeniyiti we tarixi témilirigha a'ittur.

Buningda yene tarixtiki meshhur Uyghur ayallirining we hazirqi Uyghur alimlirining pa'aliyetliri üchünmu mexsus sehipe ajritilghan.

Yuqiridiki tor betlerdiki eserler, xewerlerning mutleq köp qisimi rus tilida bolup, roshenki rus tilliq oqurmmenlerni asasiy nishan qilghan.

Ottura asiya Uyghurliri teripidin eng burun tarqitilghna"Uyghur narod" tori hazirmu mewjut bolup, bu torning mewjut bolghanliqigha on nechche yil boldi.

Elwette, yuqirqi uniwersal tor betlerdin bashqa yene qazaqistandiki Uyghur ammiwi jemyetliridinn "Inayet" fondi hemde jumhuriyetlik Uyghur tiyatiri we bashqa orun hem jemiyetlerningmu tor sehipiliri mewjuttur.

Almutadiki bir Uyghur mutexxesisning éytishiche, ottura asiyadiki Uyghur tor betliride Uyghur medeniyiti, tarixi, sen'iti we milliy kimlikige a'it maqalilar we uchurlarni élan qilish cheklime yaki nazaret qilishqa uchrimaydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet