Оттура йәр деңизида 700 мусапир ғәрқ болди

Мухбиримиз үмидвар
2016-05-29
Share


Бирләшкән дөләтләр тәшкилати мусапирлар али комиссарлиқиниң билдүрүшичә, ахирқи үч күн ичидә оттура йәр деңизида шимали африқидин явропаға қачқан мусапирлар олтурған пархотларниң чокүп кетиши нәтиҗисидә 700 дин артуқ адәм һаятидин айрилған.

Бу һадисиләр өткән һәптидә, йәни 25 -. 26 - Вә 27 - май күнлиридә арқиму - арқидин йүз бәргән болуп,қачақ мусапирлар олтурған сүпәт өлчәмгә лайиқ әмәс парахатолар, һава райиниң өзгириши, һәм адәмләрниң һәддидин зиядә көп қачилиниши қатарлиқ сәвәбләрдин суға ғәрқ болған.

Б б с агентлиқиниң бу һәқтики хәвиридә көрситилишичә мәзкур санлиқ мәлуматни ейтқан бдт мусапирлар али комиссарлиқи хадими карлотта саминиң әскәртишичә, ливийәниң сабрата портидин чиққан 550 адәм олтурған парахот пәйшәнбә күни һадисигә учрап, 550 адәм ғәрқ болған.

Б д т мусапирлар идариси бу үч күнлүк һадисиләрдә өлгәнләрниң 700 әтрапида икәнлики ейтқан болсиму,әмма чеграсиз дохтурлар тәшкилари деңизға ғәрб болуп өлгәнләрниң 900 әтрапида икәнликини әскәрткән.

Явропа иттипақи қутқузуш парахотлири шәнбә күни ливийәдин чиққан 600 адәмни қутқузивалғанлиқи, бир һәптә ичидә 13 миң адәмни қутқузуп, мусапирлар лагириға орунлаштурғанлиқини билдүргән

Мәлум болушичә, явропа иттипақи түркийә билән мусапирлар мәсилисидә келишим һасил қилғандин кейин гретсийә арқилиқ явропаға кетиш йоли кесилип, шимали африқидин явропаға деңиз арқилиқ қеқиш долқуни қозғалған икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт