Оттура шәрқтики "әл-әрәбийә почтиси" да ши җинпиңниң уйғурларға тутқан муамилисини қаттиқ тәнқид қилинди

Мухбиримиз әркин
2020-11-02
Share

Оттура-шәрқтики "әл-әрәбийә почтиси" тори мақалә елан қилип, хитай баш секретари ши җинпиңниң уйғурларға тутқан муамилиси вә мусулман дөләтлириниң бу кризистики ипадисини қаттиқ тәнқид қилған. Мақалидә тәкитлинишичә, сәуди әрәбистан, пакистан вә парис қолтуқи кеңишигә әза йетәкчи мусулман доләтлириниң хитайниң мусулман аз санлиқ милләтләргә қиливатқан вәһшиликигә сүкүт қилипла қалмай, уни қоллиши ғәлитә әһвал икән. Мақалиниң аптори журналист заһид араб мундақ дәп язған: "бу һәр қайси дөләтләр мәлум бир етник милләт яки динға һесдашлиқ қилиш үчүн әмәс, хитайниң чеки йоқ вәһшиликигә инсанийәт намида қарши туридиған җиддий пәйтидур".

Мақалидә тәкитлинишичә, пүтүн дуня хитайниң мәдәнийәт бастуруши, униң аз санлиқ милләтләрни болупму уйғурларни тутуп туруш орунлириға, җаза лагерлириға кәң көләмлик қамишини тәнқидләватқан пәйттә, немә үчүн ши җинпиң һөкүмити бундақ радикал тәдбирләрни қоллинип, бир пүтүн етник вә диний аз санлиқ милләтни җазалайду?дегән мәсилә йәнила бир суал болуп кәлмәктикән.

У мақалисидә бу суалниң җавабини ши җинпиңниң идийәси билән бағлап чүшәндүргән. Униң тәкитлишичә, ши җинпиңниң уйғурларни бастуруш сиясити униң охшаш болмиған етник кимликләрни аҗизлитиштин ибарәт "гитлерчә идийәси" дин кәлмәктикән. У мундақ дәп язған: "буниң җаваби ши җинпиңниң охшаш болмиған аз санлиқ милләт кимликлирини аҗизлаштуруп, уларни хитай җәмийитигә ассимилятсийә қилиштәк'‘гитләрчә идийәси‹дә ипадилиниду"

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт