Ottura sherqtiki "El-erebiye pochtisi" da shi jinpingning Uyghurlargha tutqan mu'amilisini qattiq tenqid qilindi

Muxbirimiz erkin
2020-11-02
Share

Ottura-sherqtiki "El-erebiye pochtisi" tori maqale élan qilip, xitay bash sékrétari shi jinpingning Uyghurlargha tutqan mu'amilisi we musulman döletlirining bu krizistiki ipadisini qattiq tenqid qilghan. Maqalide tekitlinishiche, se'udi erebistan, pakistan we paris qoltuqi kéngishige eza yétekchi musulman doletlirining xitayning musulman az sanliq milletlerge qiliwatqan wehshilikige süküt qilipla qalmay, uni qollishi ghelite ehwal iken. Maqalining aptori zhurnalist zahid arab mundaq dep yazghan: "Bu her qaysi döletler melum bir étnik millet yaki din'gha hésdashliq qilish üchün emes, xitayning chéki yoq wehshilikige insaniyet namida qarshi turidighan jiddiy peytidur".

Maqalide tekitlinishiche, pütün dunya xitayning medeniyet basturushi, uning az sanliq milletlerni bolupmu Uyghurlarni tutup turush orunlirigha, jaza lagérlirigha keng kölemlik qamishini tenqidlewatqan peytte, néme üchün shi jinping hökümiti bundaq radikal tedbirlerni qollinip, bir pütün étnik we diniy az sanliq milletni jazalaydu?dégen mesile yenila bir su'al bolup kelmektiken.

U maqaliside bu su'alning jawabini shi jinpingning idiyesi bilen baghlap chüshendürgen. Uning tekitlishiche, shi jinpingning Uyghurlarni basturush siyasiti uning oxshash bolmighan étnik kimliklerni ajizlitishtin ibaret "Gitlérche idiyesi" din kelmektiken. U mundaq dep yazghan: "Buning jawabi shi jinpingning oxshash bolmighan az sanliq millet kimliklirini ajizlashturup, ularni xitay jem'iyitige assimilyatsiye qilishtek'‘gitlerche idiyesi'de ipadilinidu"

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet