Ақсу вилайитиниң өзидә 600 миңдин артуқ деһқан-чарвичи өй-маканлиридин көчүрүлүп орунлаштурулған

Мухбиримиз әркин
2020-10-19
Share

Уйғур елиниң ақсу вилайитидә йеқинқи 4 йил ичидә 600 миңдин артуқ деһқан-чарвичи өй маканлиридин көчүрүлүп, "әмин өй қурулуши" намидики йеңи җайларға йөткәлгән. "ақсу гезити" ниң 14-өктәбир бәргән хәвиридә ашкарилинишичә, бу пилан хитайниң 13-бәш йиллиқ пилани мәзгилидә орундалған болуп, униңға 10 милярд 811 милйон йүән хәҗләнгән. Лекин бу пулниң бир қисмини һөкүмәт чиқарған болсиму, бир қисмини җәмийәт, йәнә бир қисмини деһқан-чарвичилар өзи ғәмлигән.

Хитай һөкүмити бу қурулушниң "деһқан-чарвичиларни әмин тапқузуп, хәлқни бейитиш" ни мәқсәт қилғанлиқини илгири сүрүп кәлгән болсиму, лекин көзәткүчиләр бу қурулушниң һәқиқий мәқситиниң уйғурларни техиму үнүмлүк контрол қилиш, әнәниви уйғур мәһәллә мәдәнийити вә турмуш усулиға бузғунчилиқ қилишни өз ичигә алған "мәдәнийәт қирғинчилиқи" ниң парчиси икәнликини тәкитләп кәлди.

Хитай һөкүмити йеқинда хитайниң 13-бәш йиллиқ пилани мәзгилидә пүтүн уйғур ели миқясида 5 милйон деһқан-чарвичиниң "әмин ойләр" гә көчүрүлүп маканлашқанлиқи, буниң бир милйон 100 миңдин артуқ аилә икәнликини елан қилған. Бу омумий уйғур нопусиниң аз кәм йеримини тәшкил қилиду. Хитай таратқулириниң илгири сүрүшичә, бу мәзгил ичидә хотән вилайитиниң өзидә аталмиш "әмин өйләр" гә көчүрүлгән деһқан-чарвичилар бир милйон 700 миңдин артуқ икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт