Aqsu wilayitining özide 600 mingdin artuq déhqan-charwichi öy-makanliridin köchürülüp orunlashturulghan

Muxbirimiz erkin
2020-10-19
Share

Uyghur élining aqsu wilayitide yéqinqi 4 yil ichide 600 mingdin artuq déhqan-charwichi öy makanliridin köchürülüp, "Emin öy qurulushi" namidiki yéngi jaylargha yötkelgen. "Aqsu géziti" ning 14-öktebir bergen xewiride ashkarilinishiche, bu pilan xitayning 13-besh yilliq pilani mezgilide orundalghan bolup, uninggha 10 milyard 811 milyon yüen xejlen'gen. Lékin bu pulning bir qismini hökümet chiqarghan bolsimu, bir qismini jem'iyet, yene bir qismini déhqan-charwichilar özi ghemligen.

Xitay hökümiti bu qurulushning "Déhqan-charwichilarni emin tapquzup, xelqni béyitish" ni meqset qilghanliqini ilgiri sürüp kelgen bolsimu, lékin közetküchiler bu qurulushning heqiqiy meqsitining Uyghurlarni téximu ünümlük kontrol qilish, en'eniwi Uyghur mehelle medeniyiti we turmush usuligha buzghunchiliq qilishni öz ichige alghan "Medeniyet qirghinchiliqi" ning parchisi ikenlikini tekitlep keldi.

Xitay hökümiti yéqinda xitayning 13-besh yilliq pilani mezgilide pütün Uyghur éli miqyasida 5 milyon déhqan-charwichining "Emin oyler" ge köchürülüp makanlashqanliqi, buning bir milyon 100 mingdin artuq a'ile ikenlikini élan qilghan. Bu omumiy Uyghur nopusining az kem yérimini teshkil qilidu. Xitay taratqulirining ilgiri sürüshiche, bu mezgil ichide xoten wilayitining özide atalmish "Emin öyler" ge köchürülgen déhqan-charwichilar bir milyon 700 mingdin artuq iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet