Özbekler bilen tajiklar arisidiki 18 yilliq soghuqchiliq érishke bashlidi

Muxbirimiz ümidwar
2018-03-11
Share

Ottura asiyaning kona diktatori dep tenqid qilin'ghan merhum özbékistan prézidénti islam kerimof 18 yil ziyaret qilmighan shuningdek da'im soghuq mu'amile qilghan tajikistan'gha yéngi prézidént shawket mirziyoyéf qedem teshrip qilip, ikki dölet arisida biraqla 30 gha yéqin her xil kélishimlerning imzalinishini ishqa ashurghan.

Shawket mirziyoyéf 9-mart küni tajikistan paytexti düshenbige yétip kélip öz resmiy ziyaritini bashlighan bolup, uni tajikistan prézidénti imam'eli raxman we hökümetning bashqa yuqiri derijilik rehberliri biwasite ayroportqa chiqip qarshi alghan. Tajikistan terep mirziyoyéfni eng yuqiri qizghinliqta kütüwalghan bolup 12 ming neper ottura mektep we aliy mektep oqughuchisi qollirida özbékistan bayriqini kötürüp, yol üstide qatar turup uni qarshi alghan.

Ottura asiya xewer agéntliqining uchurliridin melum bolushiche, ikki terep öz dölet munasiwetlirini biraqla istratégiyilik shériklik derijisige kötürgen shuningdek yene ikki dölet arisida 30 kün wizisiz bérip-kélish yolgha qoyidighanliqini jakarlighan. Netijide, yillardin buyan taqap qoyulghan özbék-tajik chégrasidiki 9 ötkel échiwétilgen. 

Islam kerimof 2000-yili bir qétim tajikistanni ziyaret qilghan we imam'eli raxmanmu bir qétim özbékistanni ziyaret qilghandin kéyin mezkur ikki ottura asiya döliti arisidiki aliy derijilikler ziyariti toxtighan shuningdek munasiwetlirimu nacharlashqan. Hetta tajikistan rusiyening meblighi bilen rogun su tosmisini yasap amu deryasining süyini boghidighanliqini élan qilip, özbékistan'gha tehdit salghan. Buning netijiside islam kerimof ottura asiyada su urushi partlaydighanliqini tekitligen idi.

Nöwette, mirziyoyéf barliq qoshnilar bilen yaxshi ötüsh hem türkiy jumhuriyetliri bilen qérindashliqni kücheytish sho'ari qolliniwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet