2017-Йилида терорлуқ вәқәси пәйда қилған икки нәпәр өзбек гумандар сотлиниш алдида турмақта

Мухбиримиз қутлан
2017-11-25
Елхәт
Пикир
Share
Принт

39 яшлиқ өзбек көчмән рәһмәт ақилоф бу йил апрелда шиветсийә пайтәхти стокһолмдики пиядиләр кочисида йүк аптомобили билән террорлуқ һуҗуми елип берип, 5 кишини бастуруп өлтүргән иди.

«Азадлиқ радийоси» ниң хәвәр қилишичә, ситокһолм шәһәрлик сот мәһкимиси 23-ноябир күни баянат берип, өзбек гумандар рәһмәт ақилиофниң делосини сотлашни бу йил 21-декабирғичә кечиктүридиғанлиқини билдүргән.

Сотниң баянатидин қариғанда, гумандар ақилоф террорлуқ вә авамға хәтәр пәйда қилиш җинайити билән әйиплиниши мумкинкән.

Өзбекистанниң ташқи ишлар министири абдуләзиз камилоф бу йил 4-айда ақилофниң стокһолмда пәйда қилған террорлуқ һуҗуми һәққидә баянат елан қилип, униң өзбекистандин 2014-йили айрилғанлиқини шундақла униң «ислам дөлити» дики әсәбий унсурлардин көрсәтмә алған болуши мумкинликини билдүргән.

«Азадлиқ радийоси» ниң хәвиригә қариғанда, 22-ноябир күни нюйорктики америка застаделлар гурупписиниң билдүрүшичә, өткән айда нюйоркта йүк аптомобили билән террорлуқ һуҗуми елип барған өзбек яш сәйфулла сәипоф 22 түрлүк җинайәт билән әйиплиниши мумкин икән. Әгәрдә гумандар сәипофниң қатиллиқ җинайити җәзимләштүрүлсә, униң өлүмгә һөкүм қилиниши мумкин икән.

Пикирләр (0)
Share
Толуқ бәт