2017-Yilida térorluq weqesi peyda qilghan ikki neper özbék gumandar sotlinish aldida turmaqta

Muxbirimiz qutlan
2017-11-25
Share

39 Yashliq özbék köchmen rehmet aqilof bu yil aprélda shiwétsiye paytexti stokholmdiki piyadiler kochisida yük aptomobili bilen térrorluq hujumi élip bérip, 5 kishini basturup öltürgen idi.

"Azadliq radiyosi" ning xewer qilishiche, sitokholm sheherlik sot mehkimisi 23-noyabir küni bayanat bérip, özbék gumandar rehmet aqili'ofning délosini sotlashni bu yil 21-dékabirghiche kéchiktüridighanliqini bildürgen.

Sotning bayanatidin qarighanda, gumandar aqilof térrorluq we awamgha xeter peyda qilish jinayiti bilen eyiplinishi mumkinken.

Özbékistanning tashqi ishlar ministiri abdul'eziz kamilof bu yil 4-ayda aqilofning stokholmda peyda qilghan térrorluq hujumi heqqide bayanat élan qilip, uning özbékistandin 2014-yili ayrilghanliqini shundaqla uning "Islam döliti" diki esebiy unsurlardin körsetme alghan bolushi mumkinlikini bildürgen.

"Azadliq radiyosi" ning xewirige qarighanda, 22-noyabir küni nyuyorktiki amérika zastadéllar guruppisining bildürüshiche, ötken ayda nyuyorkta yük aptomobili bilen térrorluq hujumi élip barghan özbék yash seyfulla se'ipof 22 türlük jinayet bilen eyiplinishi mumkin iken. Egerde gumandar se'ipofning qatilliq jinayiti jezimleshtürülse, uning ölümge höküm qilinishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet