Özbékistan dölet bixeterlik sistémisini 23 yil bashqurghan général wezipisidin élip tashlandi

Muxbirimiz ümidwar
2018-02-04
Share

Özbékistan prézidénti shawket mirziyoyéf öz hakimiyitini mustehkemleshni öz ichige alghan islahati dawamidiki eng zor yéngiliqlarning biri özbékistan dölet bixeterlik komitétining re'isi rustem inayetofni wezipisidin élip tashlishi bolup hésablanmaqta.

Azadliq radi'osini xewer qilishiche, sabiq prézidént islam kerimof dewride özbékistandiki prézidénttin qalsa ikkinchi shexs dep qaralghan dölet bixeterlik komitéti rustem inayetof islam kerimofning 2005-yili enjan weqeside öktichilerni qanliq basturushi, özbékistan dölet bixeterlik idarisining türkiye we bashqa bezi ellerde élip barghan ish-heriketlirige yétekchilik qilghan bolup, u özbékistandiki islam kerimofqa qarshi démokratik öktichilik heriketlirini basturushta meshhur idi.

Azadliq radi'osining widiyoluq tepsilatida rustem inayetofning sabiq xitay jama'et xewpsizlik ministiri ming jenju bilen chüshken süriti bash körünüshke qoyulghan bolup, ottura asiya metbu'atliridiki analizlarda qeyt qilinishiche, islam kerimof dewride özbékistanning bixeterlik saheside xitay bilen yéqin hemkarliq ornitishi, shangxey hemkarliq teshkilati ramkisi astida we ayrim halda xitayning ottura asiyadiki Uyghurlarning siyasiy pa'aliyetlirini cheklesh hem bashqa xewpsizlik mesiliside xitayning meydanini qollishi qatarliqlarda dölet bixeterlik idarisining roli chong bolghan idi. Uyghur analizchilirining qarishiche, hetta özbékistanning kanada puqrasi hüsenjan jélilni eyni waqitta xitaygha tapshurup bérishimu rustem inayetof dewride ishqa ashurulghan. 

Ottura asiyaliqlar inayetofni stalin dewridiki wehshiylikte dang chiqarghan dölet bixeterlik kattiwéshi bériyagha oxshitidiken.

Prézidént shawket mirziyoyéf 31-yanwar küni özbékistan dölet bixeterlik idarisini 23 yil bashqurghan özbékistandiki eng tesir küchke ige shexs, yeni dölet bixeterlik général polkownikini wezipisidin élip tashlishi ottura asiya rayonidiki zor weqe süpitide qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet