Özbékistanliqlar özbék öktichilirining wetinige qaytishini kütmekte

Muxbirimiz ümidwar
2018-03-04
Share

Özbékistan prézidénti chet'ellerdiki özbék öktichilerning wetinige qaytishigha ruxset qilishi mumkinmu? dégen so'allar diktatorluqta eyiblen'gen islam kerimofning ölümidin kéyinki yéngi prézidént shawket mirziyoyéf bashlighan islahatlar jeryanida otturigha chiqmaqta.

Amérika awazi özbék bölümining xewer qilishiche, yéqinda özbékistan xelq yazghuchiliri, sha'irliri, dangliq edebiyatchiliri, jama'etchilik wekilliridin bolup, 450 tin artuq adem imza qoyup, prézidént shawket mirziyoyéfqa 20 nechche yillardin buyan chet'elde muhajirette yashawatqan ataqliq özbék sha'iri we öktichi rehbiri muhemmed salihning wetinige qaytishigha ruxset qilishi heqqidiki muraji'etnamini tapshurghan.

Yéqinda bolsa, özbékistanning türkiyediki bash elchisi türkiyediki muxalifet özbék teshkilati "Türkistan jem'iyiti" ning re'is, mu'awin re'isliridin ibaret bir guruppa bilen körüshüp, söhbet ötküzgen hemde chet'ellerdiki özbék öktichilirining wetinige qaytishi mesilisini muhakime qilghan. Elwette, prézidént islam kerimof dewride chet'ellerdiki özbékistan elchixanilirining öktichiler bilen körüshüshi mumkin emes idi.

Igilishimizche, islam kerimof tüzümidin narazi bolup we uning teqiblishidin qutulup chet'ellerde muhajirette yashap pa'aliyet qiliwatqan öktichiler türkiye, yawropa elliri we amérikigha tarqalghan bolup, muhemmed salih qatarliqlarning nami eyni waqitta özbékistanda keng tonulghan idi.

Türkiye qatarliq ellerdiki özbék öktichilirining Uyghurlarning siyasiy dewa pa'aliyetlirinimu izchil qollap kéliwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet