Tibet qozghilingining bu yilliq xatire künide bir tibet ayal özige ot qoyup ölüwalghan

Muxbirimiz qutlan
2015-03-09
Share

Birleshme agéntliqning xewirige qarighanda, bir neper tibet ayal ötken jüme küni 1959-yilidiki tibetlerning milliy qozghilingini xatirilesh üchün özige ot qoyup köydürgen.

Melum bolushiche, 40 yashlar ichidiki bu ayalning ismi norchuk bolup, uning bir oghul we ikki qizi bar iken. U ötken jüme küni sichüen ölkisining aba tibet aptonom nahiyiside özige ot qoyuwélip hayatidin ayrilghan.

"Hör tibet" radi'osining xewirige qarighanda, uning köygen jesiti yerlik da'iriler teripidin ölük köydürüsh ornigha élip bérilip köydürülgen. A'ile-tawabi'atlirining jesetni tibetlerning en'eniwi diniy qa'idisi boyiche depn qilishigha yol qoyulmighan.

Chet'ellerdiki tibet teshkilatlirining ilgiri sürüshiche, 40 nechche yashliq rahib ayal norchuk 10-mart yétip kélidighan tibetlerning 1959-yilidiki milliy qozghilingi bilen tibetlerning rohaniy dahiysi dalay lamaning tibettin ayrilghan künini xatirilesh yüzisidin özige ot qoyuwalghan iken.

Xelq'ara taratqular bilen kishilik hoquq teshkilatliri bu ayalning 2015-yili kirgendin buyan özige ot qoyup ölüwalghan tunji tibetlik ikenlikini, shundaqla xitayda hazirghiche melum bolghan özini köydürüp öltürüwalghan 137-tibetlik ikenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet