Sichüende 4 perzentlik bir tibet ana özige ot qoyuwalghan

Muxbirimiz shöhret hoshur
2013-03-25
Share

Yekshenbe küni xitayning sichüen ölkiside 4 perzentlik bir tibet ana özige ot qoyuwalghan. Fransiye axbarat agéntliqining bügünki bu heqtiki xewiride bayan qilinishiche, bu yil 33 yashqa kirgen bu ayal, sichüenning aba nahiyisidiki bir ibadetxanining aldida özige ot qoyghan.

Xewerde uning özige ot qoyushning sewebi heqqide bir söz qilghan yaki qilmighanliqi bayan qilinmighan.

Hazirghiche özige ot qoyghan tibetlerning köpinchisi özige ot qoyushning aldida "Yashisun erkinlik", "Dalay lama qaytip kelsun" dégendek sho'ar towlighan yaki xet qaldurghan. Mezkur xewerde bildürülüshiche, bügün gensu ölkisidimu 43 yashliq bir tibet özige ot qoyghan؛ buning bilen xitaygha özige ot qoyuwélish sheklide naraziliq bildürüp hayatidin ayrilghanlarning sani 110gha yetken.

Xitay hazirgha qeder bu tür qarshiliqlarni dalay lamaning küshkürtüshi bilen yüz bergenlikini ilgiri sürmekte. Dalay lama bu heqte pozitsiye bildürgende, özige ot qoyuwalghanlarning jasaritige apirin oqughan, emma tibetliklerni qarshiliq körsetkende aqilane bolushqa we nishanni toghra belgileshke chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet