Xitay merkizi téliwiziyesi tibetlerning özige ot qoyuwélish herikitini eyiblep mexsus filim ishlidi

Muxbirimiz shöhret hoshur
2013-05-20
Share

Xitay merkizi téliwiziyesi tibetlerning özige ot qoyuwélish herikitini eyiblep bir filim ishligen we filim ötken hepte qoyulghan.

Filimde "Özige ot qoyuwélish qollanmisi" namliq bir kitab tonushturulghan we bu kitabning tibetlerni özige ot qoyuwélishqa chaqirghanliqi, bu kitabni sürgündiki tibet parlaméntining bir ezasi yazghanliqi bayan qilin'ghan. Filimde mezkur kitab pakit qilip körsitilip, "Tibetlerning özige ot qoyuwélish herikitide dalay guruhining qutratquluqi bar" dep tenqid qilghan.

Filim qoyulghandin kéyin radi'omiz ziyaritini qobul qilghan, nöwette béyjingda yashawatqan ayal yazghuchi wéysér, xitayning mezkur filimini, özige ot qoyuwalghanlarni qarilash üchün ishlen'gen töhmet xaraktérlik filim dep tenqid qilghan. U sözide yene 2008-yilidiki lasa weqesidin kéyin tibetliklerning kolléktip qarshiliq körsitishtin yekke qarshiliq körsitishke ötkenlikini, buni tibettiki jiddiy siyasiy weziyet keltürüp chiqarghanliqini otturigha qoyghan.

Sürgündiki tibet hökümitining teywendiki wekilining bayan qilishiche, filimde tonushturulghan kitab sürgündiki tibet parlamént ezasi teripidin emes, adettiki bir köchmen tibet teripidin yézilghan bolup, uningda tibetliklerni özige ot qoymasliqqa, eger shundaq qilishqa toghra kelse, choqum bir wesiyetname qaldurup kétishke dewet qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet