Бейҗиңда 10 киши топлишип өзини өлтүрүвалмақчи болған

Мухбиримиз җүмә
2013.08.14

Чаршәнбә күни хитайниң бейҗиң шәһиридә бир гуруппа киши топлишип өзини өлтүрүвалмақчи болған.

Хитай ахбаратлириға қариғанда, булар җәмий 10 киши болуп, буларниң бәзилири “харбин төмүрйол идариси” дегән хәтләр йезилған майка кийгән икән.

Һашарат олтуруш дориси ичип өзини өлтүрмәкчи болған бу он кишиниң немә үчүн шундақ қилғанлиқи хәвәр қилинмиған.

Мәлум болушичә, 90-йиллири һөкүмәт игидарчилиқидики карханилар кәң көләмлик хадим қисқартип ислаһат елип барғанда, харбинниң бир қисим җайлири әң еғир зиянға учриған икән. Униңдин башқа харбин төмүрйол идариси харбиндики әң чоң карханилардин бири болуп хизмәтчисиму көп икән.

Хәвәрләргә қариғанда, хитай төмүрйол министирлиқиниң бу йил мартта хитай қатнаш министирликигә қошулуп кетиши, хизмәтчи сани бир қәдәр көп болған харбин төмүрйол идарисигә бесим елип кәлгән.

Шуңа, бу 10 кишиниң топлишип өзини өлтүрүшкә урунуши хизмәтсизлик бесими билән мунасивәтлик болуши мумкин икән.

Хәвәргә қариғанда, бейҗиңда өзини өлтүрүшкә урунған бу кишиләр дохтурханиға елип кетилгән болуп, буларниң нөвәттики әһвали ениқ әмәс икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.