Pakistan diniy ishlar ministiri xitaydin Uyghurlargha qarita bir'az yumshaqliq telep qilghan

Muxbirimiz shöhret hoshur
2018.09.19

Pakistan axbaratliridin “Seher” gézitining xewer qilishiche, pakistan diniy ishlar ministiri norulheq qedri bügün xitayning pakistanda turushluq bash elchisi bilen körüshüp, Uyghur musulmanliri heqqide sözleshken.

Xewerde déyilishiche, norulheq qedri xitaydin Uyghurlargha qaratqan siyasitini bir'az yumshitishni telep qilghan. U diniy cheklimilerning esebiy idiyelerning bash kötürüshige zémin hazirlap béridighanliqini alahide eskertken.

Xewerde ilgiri sürülüshiche, xitay bash elchisi yaw shin bolsa xitayning mötidil yoldiki musulmanlarni qollaydighanliqi, her xil diniy guruppilarni perqlendürüp mu'amile qiliwatqanliqi, shunga xitaydiki 20 milyon musulmanning diniy erkinlik hoquqidin toluq behrimen boluwatqanliqini ilgiri sürgen. Norulheq söz arisida otturidiki diniy inaqliqqa tesir körsitidighan chüshenchilerning tügitilishi üchün emeliy qedemlerning bésilishi kéreklikini tekitligen.

Melum bolushiche, söhbet dawamida ikki döletning dostluqi we ortaq menpe'etliri tekitlen'gen, xitay-pakistan iqtisadiy karidorining waz kéchilmesliki tilgha élin'ghan bolsimu, emma Uyghur musulmanlirining weziyiti asasliq téma bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.