Пакистанниң “иқтисадий каридор” қурулуши қәрзини қайтуралиши гуманлиқ икән

Мухбиримиз җүмә
2017.12.02
Share on WhatsApp
Share on WhatsApp

Пакистанниң “хитай пакистан иқтисадий каридори” қурулуши үчүн алған қәрзләрни төләш иқтидариға соал қоюлушқа башлиған.

Пакистанда чиқидиған “експрес трибюн” намлиқ гезитниң хәвәр қилишичә, бу қарашлар йеқинда американиң вашингтон штатиға җайлашқан дөләтлик асия тәтқиқат идариси намлиқ тәтқиқат җәмийити елан қилған бир доклатта оттуриға қоюлған.

Хәвәрдә көрситишичә, 50 милярд доллар мәбләғ селинған бу каридур қурулушниң 60 пирсәнттин көпрәки көмүр қалайдиған от еликтур истансиси қурулушини тәшкил қилидикән.

Пакистанда ток йетишмәслик мәсилиси интайин еғир болуп, “каридур қурулуши” пакистанниң көпрәк ток ишләпчиқиришиға ярдәм қилидиған болсиму, әмма у пакистандики енергийә кризисини түптин һәл қилалмайдикән. 

Хәвәрдә доклатниң аптори вилсон мәркизидики юқири дәриҗилик җәнубий асия тәтқиқатчи майкел кугелманниң ейтқанлиридин нәқил елип көрситишичә, у, каридур қурулуши елип келидиған мәнпәәтләргә үмидвар қаримайдиғанлиқини билдүргән. 

У мундақ дегән: “‛хитай-пакистан иқтисадий каридори‚ қурулуши пакистандики қәрз, чириклик, ениқ вә мас қәдәмлик енергийә сияситини болмаслиқ қатарлиқ кризисларниң негизлик мәнбәсини һәл қилишқа алаһидә тәсир көрситәлмәйду.”

Аталмиш “хитай-пакистан иқтисадий каридори” қурулуши 2013-йили башланған. Нөвәттә мәзкур пилан бойичә башланған 16 қурулуш түри тамамлиниш алдида турған болуп, исламабад һөкүмити 2018-йилидики сайламдин бурун буларни пүттүрүшкә бәкрәк алдиримақта икән. 

Әмма хәвәрдә көрситишичә, пакистанниң бу қурулуш үчүн алған қәрзи мәсилиси йәнила ойлиниш тәләп қилидиған мәсилә икән. 

Хәвәрдә мундақ көрситилгән: “әмма пакистанниң алған қәрзләрни қайтуруш иқтидари вә бу йеңи енергийә салған мәбләғлирини пул билән тәминләш иқтидариға қоюлған риял соаллар изчил қаттиқ болмақта.”

Илгири бу һәқтә елан қилинған бәзи хәвәрләрдә мәзкур каридур қурулушиниң пакистанниң миллий игилики вә йәрлик иқтисадиға йошурун хәвп туғдуридиғанлиқи көрситилгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт