Pakistan 2014-yilghiche az dégende 60 Uyghurni xitaygha qayturup bergen

Muxbirimiz erkin
2022-01-24
Share

Kanadadiki “Xelq'ara kishilik hoquq we bixeterlik munbiri” namliq aqillar merkizining yéqinda élan qilghan doklatida, pakistanning Uyghurlarni basturushta xitaygha yardem qiliwatqanliqi, pakistan dölet xewpsizliki küchlirining 2014-yilghiche texminen 60 neper Uyghurni xitaygha ötküzüp bergenlikini bildürgen.

Mezkur aqillar merkizining 21-yanwar élan qilghan bu heqtiki doklatida körsitishiche, pakistanning 2010-yili térorliq bilen héchqandaq alaqisi bolmisimu, biraq uning balujistan ‍ölkisidin xitaygha qayturup bergen 5 neper bigunah Uyghur, shularning tipik misallirining biri iken.

Doklatta pakistanning Uyghurlarni basturushta xitay bilen bolghan hemkarliqi 1990-yillirining bashliridin bashlan'ghanliqi, pakistan xitaygha qayturup bergen 14 neper Uyghur talipni xitay amanliq küchlirining chégridila étip tashlighanliqi tekitlen'gen. Doklatta éytilishiche, 2009-yili yüz bergen “5-Iyul ürümchi weqesi” din kéyin, nurghun Uyghurlar pakistan arqiliq türkiyege qachqan bolup, pakistan da'iriliri bu Uyghurlarni tutup xitaygha qayturup bergen iken.

Doklatta yene 2017-yildin bashlap pakistan puqraliri bilen toy qilghan Uyghur ayalliriningmu xitayning nishanigha aylan'ghanliqi, ularning tutqun qilinip a'ilirining parchilan'ghanliqi, iskender hayat, ghulam durani qatarliq pakistanliqlarning ayalliridin ayrilghanliqi, ghulam duranining ayalining 2017-yildin béri lagérda ikenliki, iskender hayatning anisini ‍izdep Uyghur éligha ketken ‍oghlining 2 yildin béri iz-dérikini alalmighanliqi tekitlen'gen. Doklatta éytilishiche, pakistan bashqa döletlerni, bolupmu gherb ellirini “Musulmanlarni kemsitish yaki teqip qilish” bilen tenqidleshte héch ikkilenmisimu, biraq Uyghurlarni depsende qilishta ‍özini “Bu mes'uliyettin xaliy” qilip körsetmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet