Хитай һөкүмитиниң пакистан парламентиға мәхпий камера орнитип қоюши зор ғулғула қозғиди

Мухбиримиз әзиз
2021-03-16
Share

Йиллардин буян хитай һөкүмитиниң "әң садиқ иттипақдиши" дәп қариливатқан пакистан һөкүмитиниң бир қисим әмәлдарлири өткән һәптидики сайламда һөкүмәт бинасидин байқалған мәхпий камера сәвәбидин хитай һәққидә йеңи ғулғула башлиди.

"һазирқи вақит хәвәрлири" ниң 12-март күнидики хәвиридә ейтилишичә, җүмә күни өткүзүлгән парламент сайлимида сайлам залиға хитай һөкүмитиниң йошурунчә җасуслуқ камераси орнитип қойғанлиқи паш болған. Буниң билән парламент әзалири өрә-төпә болуп кәткән һәмдә сайлам паалийити тохтап қалған. Хәвәрдә ейтилишичә шу күни парламентниң сенатор рәис вә муаван рәис намзатиға мәхпий һалда беләт ташлинидиған болуп, сайламниң йеримида тамдики йошурун камераниң байқилиши билән һәммила киши бәкла ғәзәпләнгән.

Нөвәттә мәзкур җасуслуқ камерасиниң орнитилиши һәққидики башқа тәпсилатлар тәкшүриливатқан болуп, бәзиләр буниң билән хитай-пакистан отурисидики "достлуқ" қа "дәз" кетиши мумкин, дәп қаримақтикән. Техи йеқинда пакистандики хитай әлчиханисиниң мәдәнийәт мәслиһәтчиси җаң хечиң өзиниң тиветтер бетидә "һиҗабиңни ечивәт, көзлириңни бир көрәй" дәп учур йоллап қоюп пакистанлиқларниң қаттиқ ғәзивигә дучар болғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт