Xitay hökümitining pakistan parlaméntigha mexpiy kaméra ornitip qoyushi zor ghulghula qozghidi
2021.03.16
Yillardin buyan xitay hökümitining “Eng sadiq ittipaqdishi” dep qariliwatqan pakistan hökümitining bir qisim emeldarliri ötken heptidiki saylamda hökümet binasidin bayqalghan mexpiy kaméra sewebidin xitay heqqide yéngi ghulghula bashlidi.
“Hazirqi waqit xewerliri” ning 12-mart künidiki xewiride éytilishiche, jüme küni ötküzülgen parlamént saylimida saylam zaligha xitay hökümitining yoshurunche jasusluq kamérasi ornitip qoyghanliqi pash bolghan. Buning bilen parlamént ezaliri öre-töpe bolup ketken hemde saylam pa'aliyiti toxtap qalghan. Xewerde éytilishiche shu küni parlaméntning sénator re'is we mu'awan re'is namzatigha mexpiy halda bélet tashlinidighan bolup, saylamning yérimida tamdiki yoshurun kaméraning bayqilishi bilen hemmila kishi bekla ghezeplen'gen.
Nöwette mezkur jasusluq kamérasining ornitilishi heqqidiki bashqa tepsilatlar tekshüriliwatqan bolup, beziler buning bilen xitay-pakistan oturisidiki “Dostluq” qa “Dez” kétishi mumkin, dep qarimaqtiken. Téxi yéqinda pakistandiki xitay elchixanisining medeniyet meslihetchisi jang xéching özining tiwéttér bétide “Hijabingni échiwet, közliringni bir körey” dep uchur yollap qoyup pakistanliqlarning qattiq gheziwige duchar bolghanidi.
Köp körülgen xewerler
RFA
- Xitayning chektin ashqan karantin tedbirliri Uyghurlar hayatigha üsti-üstilep qiyinchiliq tughdurghan
- Ghuljadiki qamal ijra'atlirida tehditler dawam qilmaqta, ahalilerge yene namelum dorilar bérilmekte
- Xitay “Birliksep bölümi” yéqindin buyan “Shinjang hékayisini yaxshi sözlesh” teshwiqat herikiti qozghighan
- Kommunizm qurbanliri xatire fondi: “Uyghurlani basturushqa qatnashqan barliq xitay emeldarliri jazalinishi kérek!”
- Uyghur qirghinchiliqining körgezmilik teswiri: “Hemmeylen kétip qaldi!”