Pakistan yene bir déwiziye alahide qisim qurup, xitay puqralirini qoghdaydu

Muxbirimiz erkin
2019-05-20
Élxet
Pikir
Share
Print

Pakistan armiyesi kölimi bir déwiziyege teng kélidighan yene bir alahide qisim qurup, pakistandiki xitay puqralirini we qeshqer-gwadar iqtisadi karidorini qoghdaydighanliqini élan qilghan.

"Hindistan éksprés" gézitining 19‏-may xewer qilishiche, pakistan armiyesi ötken hepte balujistan ölkisining gwadar portidiki bir besh yultuzluq méhmanxana balujistan qoralliqlirining hujumigha uchrighandin kéyin alahide qisim qurushni qarar qilghanliqini élan qilghan. Méhmanxanigha qaritilghan qoralliq hujumni "Balujistan azadliq armiyesi" namliq bir qoralliq teshkilat üstige alghan. Mezkur teshkilat ötken yili xitayning karachida turushluq konsulxanisigha hujum qilghan. Bu qétim gwadardiki "Merwayit" méhmanxanisigha hujum qilish weqeside 3 neper hujumchi bilen bir pakistan eskiri we 4 neper puqra ölgen idi. Xitay hökümiti pakistan'gha 50 milyard dollar meblegh sélip, qeshqer bilen gwadar iqtisadiy karidorini qurushni üstige alghan.

Uyghurlarning qattiq naraziliqigha uchrighan bu qurulush oxshashla balujistan xelqining naraziliqini qozghighan. Ular xitay bilen pakistanni balujistan xelqining tebi'iy bayliqini bulang-talang qilish, balujistanning muhitini weyran qilip, xelqini ékspilatatsiye qilish bilen eyiblep kelgen. Gwadardiki qoralliq hujum xitay hökümiti 2 milyondek Uyghur, qazaq we bashqa musulman milletlerni yighiwélish lagérlirigha qamap, ularning medeniyiti we diniy étiqadi, en'enilirini cheklishi xelq'ara qattiq tenqidke uchrighan, pakistan Uyghurlarning depsende qilinishigha köz yumush bilen eyibliniwatqan bir mezgilde yüz bergen. Pakistan armiyesining bayanatchisi général asif ghafurning ötken shenbe küni xitay taratqulirigha ashkarilishiche, ular qurmaqchi bolghan alahide qisim 9 ming pakistan armiyesi, 6 ming qoralliq saqchidin teshkil qilinidiken. U, bixeterlik weziyiti kontrol astida bolsimu, lékin pakistan "Térrorluq urushining küchlük xirisigha duch kéliwatqanliqi" ni tekitligen.

Toluq bet