Пакистан хитайниң көңлини алидиған йәнә бир йеңи совғат һәдийә қилған

Мухбиримиз қутлан
2015.08.24

Бирләшмә агентлиқниң бүгүн исламабадтин бәргән хәвиригә қариғанда, пакистан ички ишлар министирлиқи талибанларниң қолида гөрүдә тутуп турулуватқан бир нәпәр хитай саяһәтчини қутулдурғанлиқини илгири сүргән.

Мәлум болушичә, хоң шүдоң исимлик бу хитай саяһәтчи 2014-йили майда вәлсипит билән һиндистандин пакистанға киргән һәмдә пакистанниң ғәрбий-шималий өлкисидә талибанлар тәрипидин тутқун қилинған.

Пакистандики талибан гуруппилири 2015-йили майда гөрүгә елинған хитай саяһәтчи һәққидә син көрүнүшлири тарқитип, хитай һөкүмитидин юқири соммилиқ пул тәләп қилған.

Пакистан ички ишлар министири нисар ели хан таратқуларға баянат берип, мәзкур хитай саяһәтчиниң пат арида хитайға тапшурулидиғанлиқини ейтқан. У мундақ дегән: “пакистанниң истиғбарат хадимлири бу төһписидин интайин пәхирлиниду.”

Һалбуки, хитайниң пакистандики әлчиханиси һазирға қәдәр пакистанниң бу һәдийәсигә һечқандақ инкас қайтурмиған.

Көзәткүчиләр, бу пакистанниң хитайниң көңлини елиш үчүн тәйярлиған йәнә бир һәдийәси, халас. Пакистан хитайниң иқтисадий вә һәрбий җәһәттики ярдимини давамлиқ қолға кәлтүрүш үчүн хитайға яхши көрүнидиған һәрқандақ пурсәтни қолдин бәргүси йоқ, дәп қаримақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.