Pakistan xitayning könglini alidighan yene bir yéngi sowghat hediye qilghan

Muxbirimiz qutlan
2015.08.24

Birleshme agéntliqning bügün islam'abadtin bergen xewirige qarighanda, pakistan ichki ishlar ministirliqi talibanlarning qolida görüde tutup turuluwatqan bir neper xitay sayahetchini qutuldurghanliqini ilgiri sürgen.

Melum bolushiche, xong shüdong isimlik bu xitay sayahetchi 2014-yili mayda welsipit bilen hindistandin pakistan'gha kirgen hemde pakistanning gherbiy-shimaliy ölkiside talibanlar teripidin tutqun qilin'ghan.

Pakistandiki taliban guruppiliri 2015-yili mayda görüge élin'ghan xitay sayahetchi heqqide sin körünüshliri tarqitip, xitay hökümitidin yuqiri sommiliq pul telep qilghan.

Pakistan ichki ishlar ministiri nisar éli xan taratqulargha bayanat bérip, mezkur xitay sayahetchining pat arida xitaygha tapshurulidighanliqini éytqan. U mundaq dégen: “Pakistanning istighbarat xadimliri bu töhpisidin intayin pexirlinidu.”

Halbuki, xitayning pakistandiki elchixanisi hazirgha qeder pakistanning bu hediyesige héchqandaq inkas qayturmighan.

Közetküchiler, bu pakistanning xitayning könglini élish üchün teyyarlighan yene bir hediyesi, xalas. Pakistan xitayning iqtisadiy we herbiy jehettiki yardimini dawamliq qolgha keltürüsh üchün xitaygha yaxshi körünidighan herqandaq pursetni qoldin bergüsi yoq, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.