Пакистан президенти өз тәвәсидики уйғур қораллиқ күчлирини тазилиғанлиқини билдүргән

Мухбиримиз җүмә
2015-09-02
Share

Хитайға һәрбий парат үчүн барған пакистан президенти мәмнун һүсәйин өз дөлити территорийәсидики уйғур қораллиқ күчлирини "асасән" тазилап болғанлиқини билдүргән.

У бу сөзләрни хитай рәиси ши җинпиң билән 2-сентәбир бейҗиңда көрүшкәндә қилған вә пакистан армийиси йеқинда шәрқий түркистан ислам һәрикити әзалириға қарита қозғиған һәрбий оператсийәниң ғәлибилик болғанлиқини ейтқан.

У мундақ дегән: һәрикитимизниң дөлитимиз тәвәсидики шәрқий түркистан ислам һәрикити амиллирини тазилишимизға пайдиси тәгди. Мәнчә шәрқий түркистан ислам һәрикитиниң әзалири дегүдәк йоқитилди. Бәлким әмди қалған болсиму, бир нәччиси қалғанду.

Бу йил апрел пакистанда зиярәттә болған хитай рәиси ши җинпиң аталмиш хитай-пакистан иқтисадий каридори қурулуши үчүн пакистанға 46 милярд доллар мәбләғ салидиғанлиқини ашкарилиған.

Әйни чағда бәзи көзәткүчиләр хитайниң мәзкур мәбләғни селиш шәртлири ичигә пакистанниң шималий вәзиристан өлкисидә һәрикәт қиливатқанлиқи илгири сүрүлгән шәрқий түркистан ислам һәрикити қораллиқ күчлирини йоқитиш маддисиниңму қошулған болуши мумкинликини пәрәз қилишқан.

Фирансийә агентлиқида көрситишичә, шәрқий түркистан ислам һәрикитиниң мәвҗут яки әмәслики муназирә тәләп қилидиған мәсилә болсиму, әмма хитай һөкүмити уйғур елидә йүз бәргән қарашлиқ һәрикәтлириниң һәммисини дегүдәк мәзкур тәшкилатқа артип кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт