Хитай һөкүмити пакистан дөләт бихәтәрлики мәслиһәтчисиниң уйғур райони тоғрулуқ сөзлигән сөзини махтиған

Мухбиримиз җәвлан
2020-10-21
Share

Пакистан бирләшмә ахбарат агентлиқи ториниң 20-өктәбир чиқарған хәвиридә ейтилишичә, пакистан баш министириниң дөләт бихәтәрлики мәслиһәтчиси муид йүсүф уйғур райони тоғрулуқ сөзлигән сөзи арқилиқ хитайниң махтишиға еришкән.

Муид йүсүф йеқинда мухбирларниң зияритини қобул қилғанда пакистан вәкилләр өминиң уйғур районини зиярәт қилғанлиқини вә у йәрдики «һәқиқий әһвал» ни көргәнликини, уйғур районидики һәр милләт хәлқиниң хитай қануни бәргән тәң-баравәр яшаш һоқуқидин бәһримән болуп бәхтлик яшаватқанлиқини ейтқан.

Мәзкур хәвәрдә, хитай ташқи ишлар баянатчиси җав лиҗийәнниң муид йүсүфни махтиған сөзлири толуқ берилгән һәмдә җав лиҗийәнниң техиму көп дөләтләрниң пакистанға охшаш «раст гәп қилиши, һәқиқәтни сөзлиши» ни үмид қилидиғанлиқи алаһидә гәвдиләндүрүлгән.

Пакистан уйғурлар мәсилисидә изчил һалда хитайни ақлаватқан дөләт болуп, пакистан баш министири имранханму илгири уйғур районидики әһвалдин хәвири йоқлуқини ейтқан вә һәр қетим мүҗмәл җавабларни берип бу мәсилидин өзини қачуруп кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.