Xitay hökümiti pakistan dölet bixeterliki meslihetchisining Uyghur rayoni toghruluq sözligen sözini maxtighan

Muxbirimiz jewlan
2020-10-21
Share

Pakistan birleshme axbarat agéntliqi torining 20-öktebir chiqarghan xewiride éytilishiche, pakistan bash ministirining dölet bixeterliki meslihetchisi mu'id yüsüf Uyghur rayoni toghruluq sözligen sözi arqiliq xitayning maxtishigha érishken.

Mu'id yüsüf yéqinda muxbirlarning ziyaritini qobul qilghanda pakistan wekiller ömining Uyghur rayonini ziyaret qilghanliqini we u yerdiki "Heqiqiy ehwal" ni körgenlikini, Uyghur rayonidiki her millet xelqining xitay qanuni bergen teng-barawer yashash hoquqidin behrimen bolup bextlik yashawatqanliqini éytqan.

Mezkur xewerde, xitay tashqi ishlar bayanatchisi jaw lijiyenning mu'id yüsüfni maxtighan sözliri toluq bérilgen hemde jaw lijiyenning téximu köp döletlerning pakistan'gha oxshash "Rast gep qilishi, heqiqetni sözlishi" ni ümid qilidighanliqi alahide gewdilendürülgen.

Pakistan Uyghurlar mesiliside izchil halda xitayni aqlawatqan dölet bolup, pakistan bash ministiri imranxanmu ilgiri Uyghur rayonidiki ehwaldin xewiri yoqluqini éytqan we her qétim müjmel jawablarni bérip bu mesilidin özini qachurup kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet