Xitay shirketliri pakistandiki qurulushni toxtitip qoydi

Muxbirimiz eziz
2017-11-13
Élxet
Pikir
Share
Print

Qeshqerdin pakistanning gwadar shehirigiche sozulghan "Xitay-pakistan iqtisadi karidori" qurulushi xitay hökümiti 2013-yili bashlighan "Bir belwagh bir yol" qurulushidiki bir muhim halqa hésablinip kelmekte idi. Nöwette bu qurulushning pakistan bölikide bezi xitay shirketlirining ishtin toxtiwalghanliqi melum bolushqa bashlidi.

Pakistanda neshr qilinidighan "Sabax" gézitining 13-noyabirdiki xewiride éytilishiche, pakistanning lahor shehiridin matyari shehiri ariliqida ikki milyard amérika dolliri qimmitidiki yuqiri bésimliq éléktr liniyesi qurulushi qiliwatqan xitay shirkiti ishni toxtitip qoyghan. Xewerde éytilishiche, xitay shirkiti pakistan hökümitidin kélidighan mebleghning miqdari aziyip ketkechke ishni toxtitip qoyghanliqini bildürgen.

Melum bolushiche, lahordin matyarighiche bolghan 878 kilométirliq tok yetküzüsh liniyesi "Xitay-pakistan iqtisadi karidori" ning bir muhim terkibi qismi iken. Pakistan hökümiti bolsa mezkur bölekning qurulushi pütmey turup xitay terep bilen yéngi kélishim imzalash xiyalida bolmaydighanliqi bildürgen. Pakistan énérgiye ministirliqining bir xadimi bu heqte toxtilip, "Xitay shirkitining ishni toxtitip qoyushi asasliqi meblegh oboroti, meshghulat we qurulushning kéyinki asrash xizmiti qatarliq üch chong mesile tüpeylidin boldi" dégen.

Insan heqliri sahesidiki zatlar bolsa uzundin buyan mezkur qurulushning pakistandiki baluchiylar hemde Uyghurlar diyaridiki Uyghurlarning insan heqlirini yamanlashturush rolini oynawatqanliqi heqqide pikir qilip kelgen idi. Xewerlerdin melum bolushiche, yéqinda sürgündiki baluchiylar rehberliki xitay hökümitige "Xitay-pakistan iqtisadi karidori" qurulushini toxtitish, undaq bolmighanda buning éghir aqiwitige teyyarlinish heqqide qattiq ibarilik agahlandurush yollighan.

Toluq bet