Xitay hökümiti "Xitay-pakistan iqtisadi karidori" diki yol meblighini toxtatti

Muxbirimiz eziz
2017-12-05
Élxet
Pikir
Share
Print

Yillardin buyan dawringi hemme yerni bir élip kéliwatqan "Xitay-pakistan iqtisadiy karidori" ning yol qurulushigha da'ir mebleghning waqitliq toxtitip qoyulghanliqi bügün hindistandiki herqaysi chong gézitlerde tengla orun alghanliqi melum.

"Hindistan waqti" gézitining 5-dékabirdiki xewiride éytilishiche, xitay hökümiti pakistan tereptiki alaqidar shexsler we organlarning "Xitay-pakistan iqtisadiy qurulushi" gha ajritilghan mebleghge xiyanet qilish ehwalini destek qilip, mezkur qurulushqa munasiwetlik üch jaydiki yol qurulushigha bériwatqan mebleghni waqitliq toxtatqan. Xewerde "Pakistanliqlar buningdin bekmu hezrette qaldi" déyilidu.

"Sabax" gézitining bügünki xewiride éytilishiche, xitay hökümiti bu mesile heqqide mexsus yighin échip, mebleghni yürüshtürüsh we nazaret qilish heqqide yéngidin bir yétekchilik qa'idilirini tüzüp chiqidighanliqini bildürgen.

Melum bolushiche, yéngi qa'ide teyyar bolghanda meblegh bilen teminlesh eslige kélishi mumkin iken. Mezkur gézitning xewiride éytilishiche, xitay hökümiti kelgüside pakistanning gwadar portidiki soda ishlirida xitayning "Xelq puli" ni ortaq soda puli qilip ishlitishni telep qilghanda pakistan terep buni ret qilghan. Nöwette bu weqening bu qétimqi mebleghni toxtitish bilen qanchilik munasiwiti barliqi heqqide oxshash bolmighan paranglar otturigha chiqmaqta iken.

Xitay terepning pakistandiki yol qurulushigha ajratqan mebleghni toxtatqanliqi axbarat wasitiliride keng yer éliwatqanda xitay we pakistan déngiz armiyelirining 30-noyabirdin 2-dékabirghiche shangxeyde birleshme herbiy manéwir qilghanliqi melum bolmaqta.

Toluq bet