Pakistanda 2 xitay puqrasi hujumgha uchridi

Muxbirimiz erkin
2018-02-05
Élxet
Pikir
Share
Print

Düshenbe küni pakistanning karachi shehiride ikki xitay puqrasi namelum kishiler teripidin qoralliq hujumgha uchrap yarilan'ghan. Firansiye agéntliqi muxbirining pakistan saqchi da'iriliridin igellishiche, yaridarlarning birining ehwali éghir iken. Bu ikki xitay puqrasi pakistandiki bir xitay yük yötkesh shirkitining xadimliri bolup, ular karachining zamzama rayonidiki qimmetlik bahaliq mallarni satidighan bir bazarda hujumgha uchrighan.

Xewerlerde bayan qilishiche, ular hujumgha uchrighanda aptomobilning ichide bolup, salahiyiti namelum yene bir aptomobildiki kishiler kélip ularning aptomobilini oqqa tutqan. Bu, ötken yili 5‏-ayda pakistanning baluchistan ölkiside ikki xitay puqrasi görüge élinip öltürülgendin kéyin yüz bergen yene bir xitay puqralirigha hujum qilish weqesidur. Ötken yili yüz bergen weqede biri 24 yashliq, yene biri 26 yashliq ikki xitay er-ayal baluchistanning ku'ata shehiride görüge élinip 6‏-ayda öltürülgen idi. 

Xitay 54 milyard dollar meblegh sélip, qeshqer-gwadar iqtisadi karidorini qurushqa bashlighan bolup, u pakistanning ul esliheler, éléktri énérgiye, port, qatnash alaqe qurulushidiki nurghun türlerni höddige alghan. Emma bu qurulush baluchistan ölkisidiki yerlik xelqlerning qarshiliqigha uchrighan. Ular xitayni "Pakistan bilen til biriktürüp, baluchistan xelqige buzghunchiliq qilish" bilen eyiblep kelgen idi. Düshenbe küni karachida yüz bergen qoralliq hujumning kim teripidin élip bérilghanliqi melum emes. Pakistan saqchi terep firansiye agéntliqigha bergen uchurida: "Weqe nishanliq hujumdek qilidu" dégen.

Toluq bet