Amérika palata ezaliri "‍Uyghur qirghinchiliqini cheklesh herkiti" ni bashlidi

Muxbirimiz eziz
2021-05-24
Share

Amérika hökümiti "Uyghurlar irqiy qirghinchiliqqa duch kéliwatidu" dégen tarixiy hökümni élan qilghandin kéyin, buninggha munasip bir qatar tedbirler élinishqa bashlidi. Yéqinda amérika awam we kéngesh palatasining ezalirimu bu heqtiki pa'aliyetlerning bir qismi süpitide "Uyghur qirghinchiliqini cheklesh herkiti" ni qozghidi.

Ötken hepte amérika kéngesh palata ezaliridin wikiy xartzlér we tom swazi birlikte amérika dölet mejliside "Uyghurlarni mejburiy tughmas qiliwétishni cheklesh qanun layihesi" ni tonushturdi. Bu qanun layiheside xitay hökümitining Uyghur qiz-chokanlirini türlük tibbiy wastiler arqiliq perzentlik bolalmas qiliwétishtek qebihlikliri tepsiliy bayan qilinish bilen birge, Uyghurlarning nöwettiki ehwali janliq bayan qilindi. Xartzlér xanim bu heqte muxbirlargha söz qilip: "Amérika puqrasi bolush süpitimiz bilen biz söz we étiqad erkinlikining texrsizlikige ishinimiz. Shundaq bolghaniken, Uyghurlarning bu xil insaniyetke qarshi jinayetlerning hujum obyékti bolup qélishigha qarap turalmaymiz" dégen.

Melum bolushiche, bu qanun layihesi amérika prézidéntidin amérika dölet mejlisige mexsus doklat tapshurush, buningda Uyghurlar duch kéliwatqan irqiy qirghinchiliqni hel qilishning qedem basquchlirini tepsiliy sherhileshni telep qilidiken. Shundaqla amérika tashqiy ishlar ministirigha bu xil ziyankeshlikke uchrighan ayallargha yardem bérish hemde ashu xil ziyankeshlikning ijrachilirigha jaza élan qilish toghrisida körsetme béridiken.

Nöwette mezkur qanun layihesi amérika awam palatasining tashqiy ishlar we edliye komitétlirigha tapshurulghan bolup, jiddiy muzakire qilinmaqta iken. Eger bularning muzakirisidin ötse u halda kéyinki qedemde palataning awaz bérishige sunulidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet