Авам палата әзаси майкил маккавл америка җамаитини уйғур мәҗбурий әмгикидин пайда еливатқан ширкәтләргә қарши турушқа чақирди

Мухбиримиз ирадә
2021-05-27
Share

Америка CNN телевизийәсиниң тонулған мухбири җәйк тәпер уйғур мәҗбурий әмгики вә униңдин пайда еливатқан бир қисим америка ширкәтлири һәққидә мәхсус хәвәр ишлигән.

Хәвәрдә у америка дөләт мәҗлисиниң бу һәқтики доклатиға асасән америкалиқлар кийиватқан кийим-кечәк, аяқ вә һәтта өйлиридә ишлитиватқан қуяш ениргийә тахтилириниңму уйғурларниң мәҗбурий әмгикидин кәлгән болуши мумкинликини билдүргән.

У программисида америка авам палата әзаси майкил маккавлни зиярәт қилған болуп, майки маккавл бир қисим чоң америка ширкәтлириниң мәҗбурий әмгәктин пайда еливатқан вә һәтта уйғурларға қаритиливатқан ирқий қирғинчилиққа шерик болуватқан болуши мумкинликини билдүргән.

Униңда көрситилишичә, кокакола қатарлиқ аз дегәндә 8 америка ширкити мәҗбурий әмгәктин пайда еливатқан болуп, америкалиқ дөләт мәҗлиси әзалири буниңға хатимә бериш үчүн һәрикәт қилмақтикән.

Бирақ майкил маккавл юқириқии ширкәтләрниң илгири уйғур мәҗбурий әмгикиниң алдини елиш қанун лайиһәсигә қарши лобичилиқ қилип, уни йоқ қилғанлиқини, бу қетимму йәнә шундақ қилиши мумкинликини дегән.

Кокакола вә найке ширкәтлири болса өзлириниң бу лайиһәгә қарши лобичилиқ қилғанлиқини рәт қилиш билән биргә, өз тәминләш зәнҗирлирида мәҗбурий әмгәк йоқлиқини илгири сүргән.

Бирақ CNN телевизийәсиниң мухбири уларниң бу дегәнлириниң пакитларни йоққа чиқиралмайдиғанлиқини тәкитләп, бу чоң ширкәтләрни виҗдани билән иш қилишқа бесим ишлитиш үчүн америка җамаәтчиликиниң ойғиниши керәкликини билдүргән. Авам палата әзаси майкил маккавлму сөзидә: "кишиләр әмди ойғинидиған вақит кәлди, бизниң вәһшийликкә, ирқий қирғинчилиққа қарши туридиған вақтимиз кәлди, бизниң әхлақий бурчимиз бар, биз кишилик һоқуқ тәрәптә турамдуқ яки бу чоң ширкәтләр тәрәптиму?" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт