Ürümchi shehirining sabiq sékrétari li ji “Jinayiti”ni üstige aldi

Muxbirimiz erkin
2016.06.23
Share on WhatsApp
Share on WhatsApp

23‏-Iyun küni, chingxeyning shining sheherlik ottura soti ürümchi sheherlik partkomning sabiq sékrétari, Uyghur aptonom rayonluq xelq qurultiyining mu'awin mudiri li jining parixorluq délosini körüp chiqti.

Sotta, jawabkar, uning adwokati we teptish emeldari özlirining pikrini otturigha qoyup ötken. Teptish emeldari mehkimige li jining 1996‏-yildin2013‏-yilgha qeder hoquq tutup turghan 17 yil jeryanida 13 milyon 190 ming som para alghanliqigha da'ir delillerni sun'ghan.

Li ji 2009‏-yili ürümchi “5-Iyul weqesi” ning 2‏-küni xelq meydanigha toplan'ghan xitay namayishchilirigha nutuq sözlep, ularni Uyghurlardin öch élishqa qutratquluq qilghan xitay emeldarlirining biri idi.

U, shu chaghda “Yoqalsun rabiye qadir ” dep sho'ar towlighan hem hökümet we armiye xitay xelqining arqisida ikenlikini tekitligen.

Bügünki sot del “5-Iyul weqesi”ning harpisigha toghra keldi. U, “5-Iyun weqesi”din kéyin ürümchi sheherlik partkomning  sékrétarliqidin qaldurulup, aptonom rayonluq xelq qurultiyining mu'awin mudirliqigha yötkiwétilgen idi.

Bügünki sotta li ji özining parixorluq jinayiti sadir qilghanliqini étirap qilghan hem buningdin pushayman qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.