Uyghur rayonida parixorluq bilen eyiblinip tekshürülgen xitay emeldari réjim astigha élin'ghan

Muxbirimiz erkin
2016-07-01
Share

Uyghur aptonom rayonluq xelq hawa mudapi'e ishxanisining sabiq mu'awin mudiri zang shyawjün xitay intizam tekshürüsh organliri teripidin resmiy réjim astigha élin'ghan. Zang shyawjün bu yil mayda Uyghur aptonom rayonluq intizam tekshürüsh komitéti teripidin intizamgha éghir xilapliq qilish bilen eyiblinip tekshürülüshke bashlighan idi.

Zang shyawjün jilinliq xitay bolup, u 1978‏- yili "Shinjang pédagogika uniwérsitéti" ning xitay til-edebiyat fakultétigha kirip oqughan. U oqush püttürgendin kéyin Uyghur rayonida qélip, oqutquchiliq, qurulush shirkitining arxip kadiri, qurulush nazaritining emeldari, aptonom rayonluq öy islahat ishxanisining mu'awin bashliqi, xelq hawa mudapi'e ishxanisining mu'awin mudiri qatarliq wezipilerni atqurghan.

Da'iriler zang shyawjün'ge "Réjim astigha turup turush tedbiri" qollan'ghanliqini élan qildi. Xitay aliy teptish mehkimisining bildürüshiche, uninggha qollan'ghan réjim tedbiri buyruq bilen chaqirtish, kapalet bilen bir yerge bérish, a'ilide nazaret qilinish yaki tutqun qilinish we qolgha élinish tedbirlirini öz ichige alidiken.

Lékin zang shyawjün Uyghur aptonom rayonluq xelq mudapi'e ishxanisidin parixorluqqa chétilghan birdin-bir emeldar emes. Buningdin burun bu yil aprélda xelq hawa mudapi'e ishxanisining mudiri ju shinyi we uning qol astidiki 5 kishige teptish orgini teripidin délo turghuzulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet