Uyghur élida yene bir qisim emeldarlar parixorluq qilghanliqi üchün jazalandi

Muxbirimiz irade
2015-10-15
Share

Ürümchi sheherlik téléwiziye istansining sabiq bashliqi yin bawlung parixorluq jinayiti bilen 9 yilliq muddetlik qamaq jazasigha höküm qilin'ghan.

Bu heqte tengritagh xewerliride bérilgen xewerdin qarighanda, bu yil 52 yashqa kirgen yin bawlung ötken yili 10-ayning 23-küni parixorluqqa chétilip qolgha élin'ghan. Bu yil 8-ayda we axirqi qétim 14-öktebir künide échilghan sotlarda uning xizmitidin paydilinip, qanunsiz mal-dunya yighqanliqi mu'eyyenleshtürülgen we 9 yilliq qamaq jazasigha höküm qilin'ghan. U qobul qilghan mal-mülkining omumiy qimmiti 3 milyon 480 ming som xelq puli we 20 ming dollargha yétidiken.

Buningdin sirt yene, Uyghur élida turushluq ishlepchiqirish-qurulush armiyisi bingtu'enning bir neper emeldari oghlining toyida heshemetchilik qilghanliqi üchün intizam jazasi alghan. Junggo xewerler torining xewiride éytilishiche, bu emeldar bingtu'en'ge qarashliq 87-polk partkomining da'imiy ezasi, mu'awin polk bashliqi xé shya bolup, uning bu heshemetchiliki jem'iyette intayin nachar inkas peyda qilghan. Xewerde yene, bu yilning béshidin bashlap intizam tekshürüsh komitétining mushuninggha oxshash jem'iyette tesiri yaxshi bolmighan bir qisim emeldarlarni bir terep qilghanliqi yézilghan.

Xitay merkizi hökümiti Uyghur éligha yéqinda mexsus ömek ewetip, intizam tekshürüshni bashlighandin buyan nurghun xitay emeldarliri jazalandi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet